मुंबई : हार्बर रेल्वे मार्गावरील कॉटनग्रीन रेल्वे स्थानकात धावत्या लोकलमध्ये चढताना एक महिला प्रवासी फलाट आणि लोकलमधील मोकळ्या जागेत पडली असती. पण कर्तव्यावर असलेल्या रेल्वे जवानाने प्रसंगावधान दाखवून त्या महिलेचा जीव वाचवला. रेल्वे स्थानकांवर घडलेली संपूर्ण घटना रेल्वे स्थानकावर लागलेल्या सीसीटीव्ही कॅमेर्‍यात टिपली गेली आहे.

महत्त्वाची बातमी : "खुन्यांना पाठीशी घालणारं सरकार"; प्रवीण दरेकरांनी सरकारला धरलं धारेवर

मंगळवारी सकाळी ९.१९ च्या सुमारास हार्बर रेल्वेच्या कॉटनग्रीन रेल्वे स्थानकाच्या फलाटावर पनवेल लोकल ट्रेन आली. एक महिला प्रवासी ही  ट्रेन पकडण्याचा प्रयत्न करत असताना लोकल ट्रेन लगेच सुरू झाली.  त्या दरम्यान महिला प्रवाशाचा तोल गेला. परिणामी, महिला लोकल दरवाज्यात अडकून फरफटत जात होती. तेव्हा कर्तव्यावर असलेले आरपीएफचे जवान सरदार सिंह यांनी लोकलकडे धाव घेतली. लोकल गार्ड नितेश चंद्र कुमार ट्रेन थांबविण्याचे निर्देश देऊन घसरत जाणार्‍या त्या महिलेला उचलून लोकलमध्ये चढवले. त्यामुळे त्या महिलेचा जीव वाचला. 

महत्त्वाची बातमी : पाण्याखालून होणार घातक 'वार', सायलंट किलर 'INS करंज' नौदलात दाखल

ही घटना रेल्वे स्थानकावर लावलेल्या सीसीटीव्ही कॅमेर्‍यामध्ये टिपली गेली असून सोशल मीडियावर हा व्हिडिओ मोठ्या प्रमाणात व्हायरल झाला आहे. आरपीएफ जवान सरदारसिंह यांचे सर्व स्तरातून कौतुक होत आहे. सरदार सिंह यांनी सांगितले की, प्रवाशांना सुरक्षित ठेवणे आमचे हे काम आहे. मला हे काम करत असताना समाधान वाटते. प्रवाशांना आवाहन आहे की, त्यांनी धावती लोकल पकडू नये. आरपीएफ कर्मचारी प्रवाशांच्या सुरक्षेसाठी नेहमी तत्पर आणि सर्तक असतात. अनेकदा  जीव धोक्यात घालून शेकडो प्रवाशांचे प्राण वाचले आहेत, रेल्वे सुरक्षा बळाच्या वरिष्ठ अधिकाऱ्यांनी सांगितले.

mumbai news matter of life and death women lost control while train was approaching but RPF jawan saved life