मुंबई : गेल्या काही दिवसात उच्चभ्रु वस्त्या, उंच इमारतींमध्ये कोविडचे रुग्ण वाढताना पाहायला मिळतायत. त्यामुळे लोकलपेक्षाही बाजार, लग्नसोहळे, पब यांसह इतर गर्दीच्या ठिकाणांमुळे कोविड पसरत असल्याचा अंदाज महानगर पालिकेचा आहे. ‘ज्या परीसरातून कोविडचा विषाणू पसरत आहे अशा ठिकाणांवर लक्ष ठेवण्यासाठी महापालिकेने विशेष पथकं तयार केली आहेत अशी माहिती अतिरीक्त आयुक्त सुरेश काकाणी यांनी दिली.

मुंबईत गेल्या नऊ दिवसात सिल मजल्याची संख्या 800 ने वाढली आहे. तर, सिल इमारतींची संख्या 83 ने वाढली आहे. 3 मार्च रोजी सिल इमारतींची संख्या 145 होती, ती आज 228 पर्यंत पोहचली आहे. तर, सिल मजल्यांची संख्या 2 हजार 016 वरुन 2 हजार 815 वर पोहचली आहे. "लोकल मधून प्रवास करणाऱ्या प्रवाशांपेक्षा इतर ठिकाणी वावरणाऱ्या नागरिकांना अधिक संक्रमण झाले आहे", असेही काकाणी यांनी सांगितले.

सर्वात मोठी बातमी : धमकीचा मोबाईल सापडलेल्या सोनूचा दादर स्फोटांमध्ये सहभाग

महानगर पालिकेने आतापर्यंत केलेल्या अभ्यास बाजार, लग्नसोहळे, पबही कोविड पसरविण्यास जास्त जबाबदार असल्याचे आढळले आहे. मुंबईतील साडे सात लाखाच्या आसपास नागरीक प्रतिबंधात आहेत.वस्त्या चाळींमधील 27 प्रतिबंधीत क्षेत्रात 1 लाख 79 हजार नागरीक राहात आहेत. तर, सिल मजल्यांवर 4 लाख 35 हजार नागरीक राहात आहेत असून सिल इमारतींमध्ये 1 लाख 36 हजार नागरीक राहात आहेत.

रविवारी 22 हजार जणांवर कारवाई

मास्क न वापरणाऱ्या 22 हजार 980 जणांवर रविवारी कारवाई करण्यात आली आहे. यात मुंबई पोलिसांनी 8 हजार 352 जणांवर कारवाई केली आहे.संपुर्ण दिवसात 45 लाख 96 हजार रुपयांचा दंड जमा झाला आहे.

चिंतेचे ढग ! मुंबईतील 10 वॉर्डात 500 हून अधिक रुग्ण;  कोरोना रुग्णदुपटीचा कालावधीही 196 दिवसांवर 

मंगळवारपर्यंत प्रतिक्षा
इमारतींमध्ये तेही बहुमजली इमारतींमध्ये कोविडचे रुग्ण वाढत आहेत. मात्र, तत्काळ लॉकडाऊन लावण्याबाबत कोणताही निर्णय नसल्याचे पालिकेच्या वरिष्ठ अधिकाऱ्याने सांगितले. पुढील तीन चार दिवस कोविड रुग्णांची संख्या पाहून याबाबत राज्य सरकारशी चर्चा करण्यात येईल असेही सांगण्यात आले.

mumbai news weddings local markets and pubs increasing corona count in mumbai