मुंबई:  मुंबईत 26/11 ला झालेल्या दहशवादी हल्ल्याला 12 वर्ष पूर्ण होत असताना आता मुंबई पोलिस महत्त्वाच्या ठिकाणच्या सुरक्षेबाबत डिजिटल झाली आहे. ही बारकोड पेट्रोलिंग सुविधा दक्षिण मुंबईत प्रायोगिक तत्त्वावर सुरू करण्यात आली असून तिच्या यशावर लवकरच ती संपूर्ण शहरात लागू करण्यात येईल.

मुंबईतील गेट वे ऑफ इंडिया, सीएसएमटी स्थानक यासारख्या अतिमहत्त्वाच्या ठिकाणांच्या सुरक्षेच्या दृष्टीने इमारत परिसरात क्यूआर कोड यंत्रणा बसवण्यात आली असून त्या अंतर्गत निर्धारीत करण्यात आलेल्या गस्तीचा लेखाजोखा या यंत्रणेद्वारे सहज मापता येणार आहे. मुंबई हल्ल्यांला 12 वर्ष पूर्ण होत असताना त्यापूर्वीच महत्त्वाच्या ठिकाणांच्या सुरक्षेबाबत मुंबई पोलिस डिजिटल झाले आहेत.

अधिक वाचा-  शेठजी, जरा जपून; किरीट सोमय्यांच्या आरोपांवर संजय राऊतांचा पलटवार

या यंत्रणेमुळे सुरक्षेच्या जबाबदारी अधिक पारदर्शक होणार आहे. यापूर्वी जबाबदारी असूनही काही वेळा त्या टाळल्या जायच्या. पण आता हे शक्य होणार नाही. महत्त्वाच्या ठिकाणांच्या सुरक्षेची जबाबदारी असलेल्या पोलिसाला त्या ठिकाणी जाऊन क्यूआर कोड स्कॅन करावा लागले. त्यामुळे तो संबंधित ठिकाणी गस्तीवर होता की, नव्हता हे स्पष्ट होणार आहे. त्या अंतर्गत अ, ब, क या तीन गटांत आस्थापना आणि ठिकाणांची वर्गवारी करण्यात आली आहे. 

अधिक वाचा-  दिवाळीच्या पूर्व संध्येला ATMची साडे चार कोटींची रोख लंपास, व्हॅनही पळवली

गेट वे ऑफ इंडियासारख्या अतिमहत्त्वाची ठिकाणं अ गटात. या ठिकाणांवर दर दोन तासांनी गस्ती करणे अनिवार्य करण्यात आले आहे. याशिवाय ब गटाच्या ठिकाणी दिवसातून एकदा, तर क गटातील ठिकाणी आठवण्यातून एकदा जाणे अनिवार्य करण्यात आले आहे. त्या अंतर्गत प्रत्येक पोलिस ठाण्यांना त्याच्या परिसरातील महत्त्वाच्या ठिकाणांची यादी करण्यास सांगण्यात आले आहे. सध्या  दक्षिण मुंबईत ही प्रायोगिक तत्त्वावर सुरू असून ती यशस्वी झाल्यास संपूर्ण शहरात ही यंत्रणा राबवण्यात येणार आहे.

------------------------------

(संपादन- पूजा विचारे)

Mumbai Police digital regarding security important South Mumbai barcode patrolling facility