मुंबई - कोरोनाच्या संसर्गामुळे देशात लॉकडाऊन वाढविण्यात आल्याने, रोजंदारीवर काम करणा-या नागरिकांचे मोठ्या प्रमाणात हाल सुरु झाल्याने, मुंबई पोलिसांनी उपाशी पोट राहणा-या तसेच गोरगरिबाना जेवण देण्यासाठी मिशन भूक सुरु केले आहे. धारावी, कुलाबा, कफ परेड पोलिस ठाण्याअंतर्गत येणा-या झोपडपट्टीतील नागरिकांची जेवणाची आणि रेशनच्या वस्तूंची सोय करण्यात आली असुन, येणा-या काळात हे मिशन संपूर्ण मुंबईभर सुरु करण्याचा मानस मुंबई पोलिसांचा आहे.

मोठी बातमी - झाला खुलासा, असा घुसला भारतीय नौदलात कोरोना व्हायरस...

परिमंडळ 1 आणि परिमंडळ पाचच्या हद्दीमध्ये येणा-या धारावी, कफपरेड पोलिस ठाण्यात अंतर्गत येत असलेल्या आंबेडकर नगर, गणेश मूर्ती नगर या झोपडपट्टीमधील गरीब नागरीकांची गैरसोय होत होती. त्यामुळे पोलीस अधिकारी आणि कर्मचा-यांनी मिशन भूक हा उपक्रम राबविण्यास सुरुवात केली आहे. त्याद्वारे जवळपास 100 नागरिकांची जेवणाची सोय केली आहे. तसेच यासाठी आणखी काही सेवाभावी संस्थेची मदत घेण्यात आली आहे. मिशन भूकअंतर्गत दररोज किमान 100 गरजूंना जेवण देण्यात येत आहे.

Lockdown 2.0 सुरु राहणारच, पण 20 एप्रिलनंतर सुरु होणाऱ्या गोष्टींवर उपमुख्यमंत्री अजित पवार म्हणतात...

तसेच येत्या आठवड्यात जीवनावश्क वस्तूंचे वाटप करण्यातणार आहे. हे अन्न वाटपकरताना कमीत कमी स्टाफ नेमण्यात येतो आणि सर्व अधिकारी, कर्मचारी आपले दैनंदिन कर्तव्य बजावत असतात. तसेच येणा-या काळात हे मिशन संपूर्ण मुंबईभर सुरु करण्याचा विचार मुंबई पोलिसांचा आहे.

Mumbai police to initiate mission bhukh to provide food to poor people in lockdown extension