मुंबई - मुंबईत सुरू पोलीस भरतीदरम्यान, शारीरिक मैदानी चाचणीत सहभागी काही उमेदवारांनी फसवणूक करण्याचा प्रयत्न केल्याचे निदर्शनास आले आहे. तंत्रज्ञानाचा वापर करून मैदानी चाचणी उत्तीर्ण होण्यासाठी पोलीस भरती प्रक्रियेत काही उमेदवार वापर करत असल्याचे आढळले आहे. या प्रकरणी आता पर्यंत पवई पोलीस ठाण्यात 10 उमेदवारां विरोधात गुन्ह्याची नोंद करण्यात आली आहे.

आरोपी सर्व उमेदवार मरोळ येथील भरती केंद्रातील मैदानी चाचणीसाठी आलेले उमेदवार आहेत. या प्रकरणात 2 उमेदवारांविरुद्ध 3 मार्च रोजी आणि 8 उमेदवारांविरुद्ध 4 मार्चला पवई पोलीस ठाण्यात गुन्हा नोंदवण्यात आला आहे.

पोलीस भरती प्रक्रियेत या वेळेस फसवणूक टाळण्यासाठी तंत्रज्ञानाचा वापर करण्यात येत आहे. या मुळेच या वर्षी भरती प्रक्रियेत फसवणूक करणाऱ्या उमेदवारांना वेळीच आळा बसणार आहे.

मुंबई पोलिसांनी सर्व उमेदवारांना भरती दरम्यान त्यांनी निष्पक्ष आणि प्रामाणिकपणे भरती प्रक्रियेत सहभागी होण्याचे आवाहन केले आहे. फसवणूक करणाऱ्या उमेदवार केवळ प्रक्रियेतून अपात्रता होणार नाही तर त्यांच्यावर कायदेशीर कारवाई करण्यात येणार असल्याचा इशारा मुंबई पोलीसांनी दिला आहे.