मुंबई : मध्य रेल्वेच्या रोहा यार्ड येथील ट्रॅक्शन बदलासाठी शुक्रवारी विशेष वाहतूक ब्लॉक घेतला आहे. हा ब्लॉक सकाळी 10.20 ते सायंकाळी 4.55वाजेपर्यंत असणार आहे.त्यामुळे पनवेल आणि रोहा मार्ग जाणाऱ्या आणि येणाऱ्या लांबपल्याचा मेल- एक्सप्रेस गाड्यातील वेळापत्रकात बदल करण्यात आलेला आहे.

मध्य रेल्वेने दिलेल्या माहितीनुसार,मध्य रेल्वेच्या डाऊन मार्गावरील रोहाचा दिशेने जाणाऱ्या ट्रेन क्रमांक 01347 दिवा-रोहा मेमूला नागोठने स्थानकांवर शॉर्ट टर्मिनेट करण्यात येणार आहे. ट्रेन क्रमांक 20910 पोरबंदर-कोचुवेली साप्ताहिक सुपरफास्ट एक्सप्रेस आणि ट्रेन क्रमांक 16345 एलटीटी-तिरुवनंतपुरम नेत्रवती एक्सप्रेस रोहा स्थानकांवर 20 ते 30 मिनिटे उशिराने पोहचणार आहे.

ट्रेन क्रमांक 01348 रोहा-दिवा मेमू नागोठनेवरून सायंकाळी 4.31 वाजता सुटणार आहे. ट्रेन क्रमांक 50104 रत्नागिरी-दिवा पॅसेंजर, ट्रेन क्रमांक 12617 मंगला लक्षद्वीप एक्सप्रेस, ट्रेन नंबर 20923 गांधीधाम हमसफर एक्सप्रेस आणि ट्रेन नंबर 16346 नेत्रावती एक्सप्रेस आपल्या निर्धारित वेळेशिवाय 20 ते 30 मिनिटे उशिराने धावणार आहे. ट्रेन क्रमांक 10106 सावंतवाड़ी-दिवा सिंधुदुर्ग एक्सप्रेसला रोहा, निदि नागोथाने, कासू, पेण, हमरापुर, रसायनी आणि सोमाठने स्थानकांवर थांबणार आहे.