मुंबईला पाणीपुरवठा करणासाठी सात तलावांमधून पाणी पुरवले जाते. पालिकेकडून दररोज सात तलावांतून पिण्याच्या पाण्याचा पुरवठा मुंबईकरांना केला जातो. दमम्यान मुंबई शहर परिसरात होत असलेल्या मुसळधार पावसामुळे बोरिवली पश्चिम परिसरात असेला तुळशी तलाव हा गुरुवारी मध्यरात्री १.२८ वाजता ओसंडून वाहू लागला. यामुळे मुंबईकरांना काहीसा दिलासा मिळाला आहे.

मुंबई शहराला पाणीपुरवठा करणाऱ्‍‌या सात धरणांची एकूण कमाल पाणी साठवण क्षमता ही सुमारे १,४४,७३६.३ कोटी लिटर (१४,४७,३६३ दशलक्ष लिटर) इतकी आहे. या तलावांमध्ये अप्पर वैतरणा, मोडक सागर, तानसा, मध्य वैतरणा, भातसा, विहार आणि तुळशी या तलावांचा समावेश होतो.

दरम्यान गुरुवारी पहाटे सहा वाजता केलेल्या मोजणीनुसार सर्व सातही तलावांमध्ये ५७,३३४ कोटी लिटर (५,७३,३४० दशलक्ष लीटर) इतका म्हणजेच ३९.६१ टक्‍के एवढा पाणीसाठा जमा झाला आहे.

तलावांची सध्याची स्थिती काय?

1. अप्पर वैतरणा - ३८ लाख ७३४ दशलक्ष लिटर

2. मोडक सागर - ८८ हजार ३५३ दशलक्ष लिटर

3. तानसा - ११,३०,६५ दशलक्ष लिटर

4. मध्य वैतरणा - १० हजार २९९४ दशलक्ष लिटर

5. भातसा - २,४८,६८४ दशलक्ष लिटर

6. विहार - १८ हजार ८७८ दशलक्ष लिटर

7. तुळशी - ८०४६ दशलक्ष लिटर