ठाणे ः कल्याण-डोंबिवलीतील कोरोना बाधित रुग्णांचा आकडा 73 वर गेला असून डोंबिवलीतील रुग्णांचा त्यात समावेश जास्त असल्याने भितीपायी डोंबिवलीकरांच्या मनाचा नुसता गोंधळ उडाला असल्याचे दिसून येते. कोरोना बाधित रुग्ण विभागात सापडताच आजूबाजूच्या सोसायट्या, घरांचा सर्व्हे कधी करणार,  हा कोणता सर्व्हे होता, आमच्याकडे तर अद्याप सर्व्हे झालेला नाही, कधी येणार पालिकेचे कर्मचारी सर्व्हेला असे अनेक प्रश्न येथील नागरिक विचारत असून या सर्व्हेमुळे नागरिकांच्या गोंधळात भर पडत आहे.

महत्त्वाची बातमी ः आदित्य ठाकरेंच्या मतदार संघामुळे अवघी मुंबई हादरलीये! वाचा नेमकं काय झालंय...

 विभागात सर्व्हे होताच काही घरांतील नागरिकांनी तर भितीपायी आजूबाजूचा संपर्कच तोडल्यासारखे वागत आहेत. यामुळे शेजारधर्मातही वितुष्ट निर्माण होत असल्याचे पहायला मिळत आहे.  कल्याण डोंबिवली क्षेत्रात शनिवारी 13 कोरोना बाधित रुग्ण आढळून आले यातील 12 रुग्ण हे डोंबिवलीतील आहेत. त्यातच काही दिवसांपूर्वी मानपाडा रोडवरील आयकॉन रुग्णालयात कोरोनाबाधित चार रुग्ण सापडल्याने तसेच त्यांच्या संपर्कात आलेल्या 13 कर्मचाऱ्यांना विलगीकरण कक्षात हलविण्यात आले आहे.

मोठी बातमी  ः सोमवारपासून 'ही' कटकट लागणार तुमच्या मागे! राज्य सरकारचा निर्णय...

डोंबिवलीतील मानपाडा रोड, नांदिवली रोड परिसरातील नागरिकांच्या मनात देखील भीतीचे वातावरण आहे. आयकॉन रुग्णालयातील कर्मचाऱ्यांना कोरोनाची लागण झाल्याचे वृत्त परिसरात पसरताच नागरिकांमध्ये भितीचे वातावरण पसरले आहे.

नागरिकांच्या तक्रारी
विभागात कोरोनाबाधित रुग्ण सापडल्यास त्या विभागाचा पालिका आरोग्य विभागाकडून सर्व्हे केला जात आहे. परंतू हे सर्व्हे करणारे कर्मचारी सर्वच घरांपर्यंत पोहोचत नसल्याच्या तक्रारी आयरे गाव, म्हात्रे नगर परिसरातील नागरिकांनी केल्या आहेत. या भागात कोरोनाचे रुग्ण सापडत असून 40 ते 50 नागरिक क्वारंटाईन असल्याचे समजताच काही नागरिकांनी त्याचा धसकाच घेतला आहे.

municipal start corona surve in domibivali  pepole are scared