मुंबई

जर्दा आहे सांगून बॅगेतून पाठवलं हशीश, हनीमुनसाठी गेलेलं दाम्पत्य आता कतारमध्ये खातंय जेलची हवा

अनिश पाटील

मुंबई : ड्रग्स तस्करीप्रकरणी कतारमध्ये जन्मठेपेची शिक्षा भोगत असलेल्या मुंबईतील जोडप्यासाठी केंद्रीय अंमली पदार्थ विरोधी पथकाने (एनसीबी) परराष्ट्र विभागाच्या माध्यमांतून कतार प्रशासनाशी संपर्क साधला आहे. एनसीबीचे महासंचालक राकेश अस्थाना यांनी या प्रकरणाची पुन्हा पडताळणी करण्यास सुरूवात केली आहे.

मोहम्मद शरीकआणि त्याची पत्नी ओनिबा कौसर गेल्यावर्षी जुलै महिन्यात हनीमुनसाठी कतार येथे गेले होते. त्यावेळी हमाद विमानतळावर त्यांच्याकडील बॅगेत चार किलो हशीश सापडली. ती बॅग शरिकच्या एका नातेवाईक महिलेने त्यांच्याकडे दिली होती. जलदगती न्यायालयाने त्यांना जन्मठेपेची शिक्षा सुनावली. याप्रकरणी ओनिबा यांचे वडील शकील कुरेशी यांनी शरीकची मावशी तब्बसूम कुरेशी व तिचा साथीदार निजाम कारा यांनी त्यांना याप्रकरणी अडकवल्याची तक्रार एनसीबीकडे केली होती.

हनीमुनसाठी आरोपींनी या दांपत्याला परदेशात पाठवले व त्यांना माहिती न देता त्यांच्या सामानात अंमली पदार्थ लपवले. यावेळी त्यांनी महत्त्वाचे पुरावे व संभाषण सादर केले आहे. आरोपी महिलेने जर्दा असल्याच्या नावाखाली त्यांच्या बॅगेत हशीश ठेवले होते. त्याप्रकरणी एनसीबीच्या तपासात कारा याने तबस्सूमच्या मदतीने हा सर्व प्रकार घडवून आणल्याचे स्पष्ट झाले.

कारा व तबस्सूम दोघांनाही गेल्यावर्षी मुंबई पोलिसांनी अटक केली होती. त्याप्रकरणी आरोपींची जामिनावर सुटका झाल्यानंतर नुकतीच दोघांना एनसीबीने अटक केली आहे. त्यावेळी चौकशीत आरोपींनी गुन्हा कबुल केला असून त्यांनी या दांपत्याच्या माहितीशिवाय त्यांचा वापर तस्करीसाठी केल्याचे सांगितले. त्यांना जर्दा असल्याचे सांगून हशीश देण्यात आले. याप्रकरणी आता एनसीबी सर्व पुरावे कतारच्या संबंधीत यंत्रणाना पाठवणार असून त्याना या प्रकरणी नातेवाईकांना अडकवल्याची माहिती देण्यात येणार आहे. एनसीबीचे महासंचालक अस्थाना यांनी मुंबईत येऊन या सर्व कार्यवाहीची पडताळणी केली

( संपादन - सुमित बागुल )

Narcotic control bureau is doing all the process to rescue couple who were trapped in quatar

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

IND vs ENG 3rd Test: KL Rahul ने झेल सोडला! शुभमन गिल अम्पायरसोबत भांडला; Umpire ने मागे ढकलले अन् म्हणाले, जा...

Valhe News : बँकेबाहेर विसरलेली सव्वा लाखाची रोकड असलेली पिशवी दांपत्यास केली परत

Video: बापरे! प्रार्थना बेहरेच्या पायाला गंभीर दुखापत, व्हिडिओ शेअर करत म्हणाली...'तुमच्या आशिर्वादाची...'

Viral Video: हत्तीच्या बाळाची टरबूज मागण्याची क्यूट अदा, हृदयस्पर्शी व्हिडिओने जिंकली नेटकऱ्यांची मने

Thane Crime: कौटुंबिक हिंसाचाराच्या घटनांमध्ये वाढ, धक्कादायक आकडेवारी समोर

SCROLL FOR NEXT