नवी मुंबई परिसरात राहणाऱ्या नागरीकांसाठी अतिशय महत्वाची बातमी समोर आली आहे. ती म्हणजे द्रोणागिरी, जेएनपीटी, उलवे, खारघर, तळोजा नोडसह हेटवणे जलवाहिनीवरील गावांतील पाणीपुरवठा चोवीस तास राहणार बंद राहणार आहे.

आधिक माहीती अशी कि, सिडकोतर्फे हेटवणे जलशुद्धीकरण केंद्र व जलवाहिनीवर देखभाल आणि दुरुस्तीचे काम हाती घेण्यात येणार आहे.या साठी हा र्निणय घेण्यात आला आहे. नागरिकांनी काळजी घेणे गरजेचे आहे.

हेटवणे जलवाहिनीवरील सर्व गावांसह द्रोणागिरी, जेएनपीटी, उलवे, खारघर, तळोजा नोडना होणारा पाणीपुरवठा शुक्रवारी (ता. ५) सकाळी नऊ ते शनिवारी (ता. ६) सकाळी ९ वाजेपर्यंत बंद राहणार आहे. तसेच त्यानंतर पुढील २४ तास कमी दाबाने पाणीपुरवठा होणार आहे. त्यामुळे या कालावधीत नागरिकांनी पाण्याचा जपून वापर करावा, असे आवाहन सिडकोतर्फे करण्यात आले आहे.