नवी मुंबई : पोलिस असल्याची बतावणी करुन टेम्पो चालकाला रस्त्यात अडवून त्याच्याजवळची रोख रक्कम लुटल्याप्रकरणी मनसेच्या नवी मुंबईतील तीन पदाधिकाऱ्यांना वाशी पोलिसांनी अटक केली आहे. यात कोपरखैरणेतील दोन शाखा अध्यक्षांसह कामगार सेनेच्या चिटणीसचा समावेश आहे. यातील चौथा आरोपी फरार असून पोलिस त्याचा शोध घेत आहेत. 

पोलिसांनी अटक केलेल्यामध्ये २२ वर्षीय महाराष्ट्र नवनिर्माण सेना कामगार सेनेचा सरचिटणीस प्रशांत शिंदे, २९ वर्षीय कोपरखैरणेतील शाखा अध्यक्ष मिथून राजगे आणि हरिश्‍चंद्र पाष्टे या तिघांचा समावेश आहे.

महत्त्वाची बातमी : राज ठाकरे आज वाशी कोर्टात होणार हजार, ठाकरेंच्या हजेरीला इव्हेन्टचे स्वरुप

हे तिघे व त्यांचा चौथा साथीदार, हे चौघेही बुधवारी रात्री वाशीतील अरेंजा सर्कल चौकात कारने गेले होते. रात्री 10.30 वाजण्याच्या सुमारास ३० वर्षीय अब्दुल हालीम चौधरी हा टेम्पो चालक वाशीतून टेम्पो घेऊन शिळफाटा येथे जात असताना अरेंजा सर्कल चौकात उभ्या असलेल्या या चौघांनी त्याला अडविले. त्यानंतर त्यांनी पोलिस असल्याचे सांगून जबरदस्तीने त्याच्या खिशातून 400 रुपये काढून घेतले.

हे चौघे इतक्‍यावरच थांबले नाहीत तर, त्यांनी टेम्पो चालकाला शिवीगाळ करुन तसेच जिवे ठार मारण्याची धमकी देऊन त्याच्याकडून जबरदस्तीने फोन पेचा पासवर्ड घेतला. त्यानंतर त्याद्वारे 800 रुपये आपल्या मोबाईलवर ट्रान्सफर करुन घेतले. यानंतर टेम्पो चालकाने वाशी पोलीस ठाणे गाठून तक्रार दाखल केली होती. न्यायालयाने या तिघांना दोन दिवसांची पोलिस कोठडी सुनावली आहे.  

महत्त्वाची बातमी : 'ड' जीवनसत्व शरीरासाठी का आहे महत्त्वाचं? 'एका अहवालातून आली महत्त्वाची माहिती समोर

navi mumbai news MNS leaders openly bullied tempo driver in navi mumbai three people under arrest