आर्थिक घोटाळा प्रकरणात तुरुंगात असलेले राष्ट्रवादी काँग्रेसचे आमदार आणि माजी मंत्री नवाब मलिक यांचा जामीन अर्ज मुंबई हायकोर्टानं गुरुवारी फेटाळून लावला. त्यामुळं त्यांना मोठा झटका बसला आहे. वैद्यकीय कारणास्तव आपल्याला जामीन मंजूर व्हावा अशी मागणी त्यांनी जामीन अर्जातून केली होती. (Nawab Malik bail plea rejected by Mumbai High Court)

न्या. अनुजा प्रभुदेसाई यांनी हा निकाला दिला आहे. तसेच दोन आठवड्यांनंतर त्यांच्या जामीनाच्या याचिकेवर योग्यतेनुसार सुनावणी घेण्यात येणार आहे. आपलं एक मुत्रपिंड निकाली झालं असून दुसरं केवळं ६० टक्के काम करत आहे. (Latest Marathi News)

ही स्थिती आणखी बिघडत आहे, त्यामुळं आपल्याला योग्य पद्धतीनं उपचार करता यावेत यासाठी जामीन मंजूर करण्यात यावा, अशी मागणी मलिक यांनी आपल्या याचिकेतून केली होती. फेब्रुवारी २०२२ मध्ये अटकेपूर्वीपासून मलिकांना किडनीचा त्रास आहे. (Marathi Tajya Batmya)

दरम्यान, ईडीनं मलिकांच्या याचिकेला विरोध करताना असे अनेक लोक आहेत जे एकाच किडनीवर जगू शकतात. मलिकांच्या मेडिकल रिपोर्टमध्ये त्यांच्या दुसऱ्या किडनीची केवळ ६० टक्केच प्रक्रिया सुरु असल्याचं कुठेही म्हटलेलं नाही. त्यामुळं मलिकांच्या केसमध्ये जामीन मंजूर करण्यात येऊ नये.