मुंबई : शिवसेनेचे फायरब्रँड नेते आणि सामनाचे संपादक संजय राऊत यांच्यावर नुकतीच दुसऱ्यांदा अँजिओप्लास्टी सर्जरी पार पडली. मुंबईतील लीलावती रुग्णालयात संजय राऊत यांच्यावर ही सर्जरी पार पडली आहे. सर्जरीनंतर संजय राऊत यांना डॉक्टरांच्या निगराणीत ICU मध्ये ठेवण्यात आलं होतं. त्यानंतर राऊत यांना डिस्चार्ज देण्यात आला.

महत्त्वाची बातमी : शहरांची 'लाइफस्टाईल' या गटामध्ये संशोधन करताना देशातील चौदा विविध शहरांचा अभ्यास करण्यात आला

राऊत यांना डिस्चार्ज मिळाल्यानंतर राष्ट्रवादी काँग्रेस पक्षाचे सर्वेसर्वा शरद पवार, महाराष्ट्राचे उपमुख्यमंत्री अजित पवार, राष्ट्रवादी काँग्रेस पक्षाचे मंत्री धनंजय मुंडे संजय राऊतांच्या घरी त्यांची भेट घेण्यासाठी गेले होते. यावेळी गायक आनंद शिंदे हे देखील संजय राऊतांच्या भेटीसाठी गेले होते. शरद पवार, अजित पवार, धनंजय मुंडे यांनी संजय राऊतांच्या तब्येतीची विचारपूस केली. 

गेल्या वर्षी नोव्हेंबर महिन्यात संजय राऊत यांची अँजिओप्लास्टी करण्यात आली होती. मात्र आता त्यांना पुन्हा त्रास होऊ लागल्यानं डॉक्टरांनी परत अँजिओप्लास्टी करण्याचा सल्ला दिला दिला होता. गेल्या वर्षी नोव्हेंबर महिन्यात संजय राऊत यांच्यावर हृदयात दोन स्टेन घालण्यात आल्या होत्या. त्यानंतर आणखी स्टेन टाकावे लागणार होते. त्यासाठी एप्रिल 2020 ही नियोजित वेळ होती. पण कोव्हिड प्रादुर्भावामुळे ही शस्त्रक्रिया पुढे ढकलण्यात आली होती.  

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

दरम्यान, आता हॉस्पिटलमधून डिस्चार्ज मिळाल्यानंतर डॉक्टरांनी संजय राऊत यांना आराम करण्याचा सल्ला दिला आहे.     

NCP chief sharad pawar meets sanjay raut along with ajit pawar and dhanjay munde