नवीन पनवेल : स्वातंत्र्याचा अमृत महोत्सव निमित्ताने सर्वोच्च न्यायालयातर्फे भारतभर जनजागृती अभियान रावविला जात आहे. त्यानुसार पनवेल तालुका विधी सेवा समिती तथा जिल्हा न्यायालय, पनवेल आणि पनवेल बार असोसिएशनतर्फे तहसिल कार्यालयात ज्येष्ठ नागरिकांचे अधिकार आणि ज्येष्ठ नागरिकांना देण्यात येणाऱ्या मोफत विधी सेवा या विषयाबाबत जनजागृती शिविर आयोजित केले होते.

शिविरासाठी आजूबाजूच्या ग्रामीण भागातील लोक उपस्थित होते. ज्येष्ठ विधीज्ञ अनिल जाधव यांनी मार्गदर्शन केले. तसेच विजय तळेकर, तहसीलदार पनवेल यांनी ज्येष्ठ नागरिकांना देण्यात येणाऱ्या शासनाच्या विविध सुविधांची माहिती दिली.

या वेळी अमिटी विधी महाविद्यालयाचे विद्यार्थी गिरीश अंबापकर आणि प्रिया नायर, ज्येष्ठ नागरिक संघ पनवेलचे अध्यक्ष नंदकुमार जोशी आदी मान्यवर उपस्थित होते.