दिशा सालीयान प्रकरणी केंद्रीय मंत्री नारायण राणे आणि नितेश राणे विरोधात मालवणी पोलीस स्थानकात FIR दाखल करण्यात आली होती. दिशा सालीयन वर लैंगिक अत्याचार झाल्याचा आरोप राणे पिता-पुत्रांनी केला होता. (Nitesh Rane Receives Bail in Disha Salian Suicide Probe)

त्यानंतर दिशा सालीयानच्या आई आणि वडिलांनी राज्य महिला आयोगाकडे तक्रार केली होती. दिशा सालीयान सुशांतसिंह राजपूतची मॅनेजर होती. सुशांतच्या आत्महत्येपूर्वी तिने काही दिवसांपूर्वी आत्महत्या केली होती. यानंतर कॉट्रोव्हर्सीला सुरुवात झाली. या प्रकरणात राणे पितापुत्रांची तब्बल आठ तास चौकशी करण्यात आली होती. यानंतर आता नितेश राणेंना अटकपूर्व जामीन मंजूर झाला आहे. मात्र, त्यानंतर लगेच राणेंनी महाविकास आघाडीला लक्ष्य केलं. मुंबईच्या माजी महापौर किशोरी पेडणेकर यांच्यावरही त्यांनी आरोप केले. (Nitesh Rane Alleges Kishori Pednekar)

आम्हा दोघांनाही दिशा सालियानच्या प्रकरणात काही अटी शर्तींवर जामीन मिळाल्याची माहिती राणे यांनी दिली. या प्रकरणात नारायण राणे आणि नितेश राणे दोघांवरही गुन्हा दाखल झाला होता. यातील ३११ कलम हे नॉन बेलेबल होतं. त्यामुळे राणेंना अटक होणार का, हा प्रश्न उपस्थित करण्यात आला. अखेर नितेश राणेंना कोर्टाने अटकपूर्व जामीन मंजूर केला.

राज्य सरकारने दिशा सालियानच्या पालकांवर आणि आमच्यावर दबाव टाकला,असा आरोप राणेंनी केला. किशोरी पेडणेकर यांनी सालियानच्या कुटुंबीयांची भेट घेतली. त्यानंतर आमच्याविरोधात तक्रार दाखल झाली. पेडणेकर गेल्यानंतर सगळी सूत्र फिरली आणि राजकारण सुरू झालं, असं राणे म्हणाले. मात्र, कोर्टाने महाविकास आघाडी सरकारचं षडयंत्र हाणून पाडत आमच्या बाजूने निर्णय दिल्याचं नितेश राणे यांनी सांगितलं.

मुंबईच्या पोलीस आयुक्तांकडे भाजप नेत्यांची लिस्ट

सालियानला न्याय देण्यासाठी जे करण्याची गरज ते सर्व काही कारणार आहे. आत्ता आलेल्या मुंबईच्या पोलीस आयुक्तांना या सरकारने यादी दिली आहे. त्यांना टिकमार्क करण्यासाठी यादी देण्यात आली आहे, असं राणे म्हणाले. भाजपच्या लोकांना अडवण्यासाठी ही तयारी सुरू असल्याचा आरोप नितेश राणेंनी केला.