मुंबई : राज्य सरकारने चित्रपटगृहे तसेच नाट्यगृहे सुरू करण्यास परवानगी दिली असली तरी अजूनही म्हणावी तशी चित्रपटगृहे उघडलेली नाहीत. नाट्यगृहांची देखील तीच स्थिती आहे. परंतु आता मराठी रंगभूमीसाठी एक आनंदाची  बातमी समोर आली आहे. मुंबईबाहेरील नाट्यप्रयोगाचे सामान ने-आण करणारी टेम्पो आणि बस यांचा टोल माफ करण्याचा निर्णय सरकारने घेतला आहे. त्यामुळे मराठी नाट्य व्यावसायिक निर्माता संघाने महाराष्ट्राचे मुख्यमंत्री उद्धव ठाकरे तसेच नगरविकास मंत्री एकनाथ शिंदे यांचे आभार मानले आहेत.

महत्त्वाची बातमी : VIDEO :: "बहती गंगा मैं हाथ धोना" हा प्रकार सध्या सुरु आहे : फडणवीस

मुंबईबाहेर नाटकांचे प्रयोग करायचे असल्यास नाटकांचे सामान ने-आण करणाऱ्या वाहनांना मोठा टोल भरावा लागत होता. त्यामुळे मराठी नाट्य व्यावसायिक निर्माता संघाने हा टोल माफ करण्यात यावा अशा प्रकारचे निवेदन मुख्यमंत्री उद्धव ठाकरे आणि नगरविकास मंत्री एकनाथ शिंदे यांना दिले होते. या निवेदनाची दखल घेत मुख्यमंत्र्यांनी मुंबई बाहेरील नाटकांचे सामान ने - आण करणाऱ्या वाहनांचा टोल माफ केला आहे.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

याबाबत मराठी नाट्य व्यावसायिक निर्माता संघाचे अध्यक्ष संतोष काणेकर म्हणाले की, "कोरोनाच्या काळात सरकारने नाट्यसृ्ष्टीसाठी हा खूप चांगला निर्णय घेतला आहे. कारण आम्हाला ठाणे किंवा पुणे तसेच अन्य ठिकाणी नाटकांचे प्रयोग करायचे झाल्यास बस आणि टेम्पो यांना खूप टोल भरावा लागत होता. आता तो माफ करण्यात आला आहे. याबाबत मी सरकारचा आभारी आहे."

( संपादन - सुमित बागुल )

no toll to vehicle transporting theater equipment and material big relief to producers