घाटकोपर ः खंडोबा टेकडी परिसरातील सह्याद्री सोसायटी परिसरात अनेक वाहनांना आग लागल्याची घटना शनिवारी (ता. 26) पहाटे उघडकीस आली. आगीत 13 दुचाकी आणि 2 ऑटोरिक्षा जळून खाक झाल्या आहेत. आग कशामुळे लागली हे अद्याप समोर आले नसून पोलिस पुढील तपास करत आहे. मात्र, ही आग कुणीतरी जाणीवपूर्वक लावल्याचा आरोप स्थानिकांनी केला आहे.
घाटकोपरमध्ये खंडोबा टेकडी लोकवस्तीत बैठ्या चाळीची घरे असून तेथील रहिवाशांची वाहने उभी करण्यासाठी एकाच ठिकाणी जागा आहे. ती जागा अंधारमय असल्याने तेथे रात्रीच्यावेळी गर्दुले नशा करत असतात. कदाचित त्यांनीच उभ्या असलेल्या वाहनांना आग लावल्याचा संशय नागरिकांना आहे. घटनेची माहिती मिळताच अग्निशमन दलाच्या दोन गाड्या आणि पोलिस दाखल झाले. या घटनेमुळे परिसरात दहशतीचे वातावरण निर्माण झाले असून पोलिसांनी या प्रकरणी सखोल चौकशीची मागणी स्थानिक नागरिकांनी केली आहे.
-----------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.