मुंबई : खासगी बॅंकेच्या तक्रारीनंतर आर्थिक गुन्हे शाखेने कॉक्स ऍण्ड किंग्सच्या संचालक व प्रमोटरविरोधात गुन्हा दाखल केला आहे. कोटक महिंद्रा बॅंकेचे 174 कोटी रुपये बुडवल्याचा आरोप कंपनीवर ठेवण्यात आला आहे.
ऑगस्ट 2019 मध्ये कोटक महिंद्रा बॅंकेने या प्रकरणी कंपनीविरोधात तक्रार केली होती. त्यानुसार ऑगस्ट महिन्यात मुंबई पोलिसांच्या आर्थिक गुन्हे शाखेने प्राथमिक तपास सुरू केला होता. या प्रकरणी सर्व पडताळणी केल्यानंतर गुरुवारी (ता.1) आर्थिक गुन्हे शाखेने गुन्हा दाखल केला आहे. 2012 मध्ये कंपनीच्या विनंतीनंतर बॅंकेने कॉक्स ऍण्ड किंग्स कंपनीला आर्थिक सवलती दिल्या होत्या. त्यांचा लाभ घेतल्यानंतर सुमारे 174.3 कोटी रुपये थकवल्याचा आरोप ठेवण्यात आला आहे. याप्रकरणी कंपनीच्या संबंधित अधिकाऱ्यांविरोधात कफ परेड पोलिस ठाण्यात गुन्हा दाखल करण्यात आला असून, आर्थिक गुन्हे शाखा याप्रकरणी पुढील तपास करत आहे.
फसवणूक, बनावटीकरण व विश्वासघात केल्याप्रकरणी हा गुन्हा दाखल करण्यात आला आहे. याप्रकरणी बॅंकेच्या वतीने न्यायवैद्यकीय लेखापरीक्षण करण्यात आले होते. त्यात बनावटीकरण करण्यात आल्याचे निष्पन्न झाल्यानंतर त्यांनी याप्रकरणी तक्रार केली होती. त्यानुसार याप्रकरणी गुन्हा दाखल करण्यात आला आहे.
- राज्यवर्धन सिन्हा, सहपोलिस आयुक्त
--------------------------------
(संपादन : गोरक्षनाथ ठाकरे)
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.