मुंबई : कोरोनाच्या संकटामुळे राज्य सरकारची आर्थिक स्थिती नाजूक झाली आहे. त्यामुळे सर्व राज्य सरकारी कर्मचाऱ्यांच्या मे महिन्यातील वेतनातून एक दिवसाचे वेतन मुख्यमंत्री सहायता निधीला देण्याचा निर्णय राज्य सरकारी कर्मचारी संघटनेने घेतला आहे. 

महत्वाची बातमी : आजपासून सुरु झालेल्या स्पेशल ट्रेनचं वेळापत्रक खास तुमच्यासाठी..

राज्यात सुमारे साडेपाच लाख सरकारी कर्मचारी आहेत. त्यामुळे त्यांच्या एक दिवसाच्या वेतनातून राज्य सरकारला सुमारे 300 कोटी रुपये मिळू शकतात, असे राज्य सरकारी कर्मचारी मध्यवर्ती संघटनेने म्हटले आहे. कोरोना महामारीच्या काळात मार्चचे वेतन 25 टक्के कमी घेऊनही कर्मचाऱ्यांनी कर्तव्यात कुचराई केलेली नाही. त्याबद्दल सरकारनेही कृतज्ञता व्यक्त केली आहे. 

नक्की वाचा : मद्य खरेदीसाठी आता 'इ-टोकन'; राज्य उत्पादन शुल्क विभागाचा मोठा निर्णय

राज्य सरकारी कर्मचारी हा राज्य सरकारचा अविभाज्य घटक आहे. त्यामुळे कोणत्याही अडचणीच्या काळात एकमेकांना मदत करणे परस्परांच्या हितास पूरक आहे. त्यामुळे संघटनेने सकारात्मक भूमिका घेतल्याचे सांगण्यात आले. या मदतीबद्दल राज्य सरकारने कर्मचारी संघटनेला धन्यवाद दिले आहेत.

One day's salary to CM fund from state government employees