मुंबई - धारावी ९० फिट रोडवर असलेल्या तळ अधिक सात मजली शर्मा इमारतीत रविवार (ता. ११) भीषण आग लागली होती. या दुर्घटनेत ३२ जण जखमी झाले होते.

त्यापैकी मस्तान शेख (४०) यांचा आज सकाळी सायन रुग्णालयात मृत्यू झाल्याचे पालिकेच्या आपत्कालीन व्यवस्थापन नियंत्रण कक्षाकडून सांगण्यात आले.

धारावी ९० फिट रोडवर असलेल्या तळ अधिक सात मजली शर्मा इमारतीत रविवार सकाळी ११ वाजण्याच्या सुमारास भीषण आग लागली. या दुर्घटनेत ३२ जण जखमी झाले. यापैकी मस्तान शेख यांचा बुधवारी सकाळी सायन रुग्णालयात मृत्यू झाला.

सायन रुग्णालयात २७ जखमींना दाखल करण्यात आले होते, यापैकी आज शेख यांचा मृत्यू झाला असून १३ जणांना घरी सोडण्यात आले आहे. तर १३ जखमींवर उपचार सुरु असल्याचे पालिका प्रशासनाकडून सांगण्यात आले.