मुंबई : कोरोना व्हायरसचा सामना करण्यासाठी राज्यसरकारने नेमलेल्या कोविड टास्क फोर्समधील महिला आयएएस अधिकाऱ्याला कोरोनाची लागण झाली आहे. तसेच ही अधिकारी राहत असलेल्या इमारतीमधील काम करत असलेले 25 कर्मचारी कोरोनाग्रस्त आढळून आल्याने सरकारी कर्मचारी धास्तावले आहेत.

राज्य सरकारने लॉकडाऊनच्या नियमांमध्ये शिथिलता आणली आहे. मात्र कोविड-19 वर उपाययोजना करण्यासाठी राज्य सरकारने नेमलेल्या टास्क फोर्समधील महिला आयएएस अधिकाऱ्याला कोरोनाची लागण झाली आहे. मुंबईतील रुग्णालय विशेषतः कोरोनाच्या उपाययोजनांची महत्त्वाची जबाबदारी या अधिकाऱ्यावर आहे, परंतु त्यांनाही कोविड-19 ची लागण झाली आहे.

मोठी बातमी - भीषण ! 'त्या' रुग्णालयात 90 मिनिटांत सात जणांचा मृत्यू, कारण ऐकाल तर धक्का बसेल...

दरम्यान आतापर्यंत राज्य सरकारमधील दोन मंत्री आणि प्रशासनातील तीन अधिकारी कोरोनाग्रस्त झाले आहेत. गृहनिर्माण मंत्री जितेंद्र आव्हाड आणि सार्वजनिक बांधकाम मंत्री अशोक चव्हाण यांनी कोरोनावर मात केली आहे. तर तीनपैकी दोन अधिकारीही कोरोनामुक्त झाले आहेत. नव्याने आढळलेल्या आयएएस अधिकाऱ्यावर सध्या उपचार सुरु आहेत.

याआधी राज्यात दोन आयएएस अधिकारी कोरोना पॉझिटिव्ह झाले  होते. त्यातील एक महिला अधिकारी मजुरांच्या व्यवस्था पाहणाऱ्या टास्क फोर्समध्ये काम करत होत्या. त्यानंतर ऊर्जा खात्यातील आयएएस अधिकाऱ्याला कोरोनाची लागण झाली होती. त्यांच्या घरी घरकाम करणारा स्टाफ कोरोना पॉझिटिव्ह आला होता. हे अधिकारी मंत्रालयाजवळच असलेल्या यशोधन इमारतीत राहतात.

मोठी बातमी -  वाह, कमाल आहे! मेट्रोची धाव मिठी नदीखालून तसेच वरुनही...

घरातील स्टाफ कोरोनाग्रस्त झाल्यावर इमारतीतील सगळ्यांच्या चाचण्या झाल्या. ज्या स्टाफची कोरोना चाचण्या करण्यात आली त्यात या इमारतीत घरकाम करणारे, स्वयंपाक करणारे, वाहनचालक असे 25 जण कोरोना पॉझिटिव्ह असल्याची बाब समोर आली आहे. त्यामुळे आता या इमारतीमधील महिला आयएएस अधिकारी आणि स्टाफ असे अनेकजण कोरोना पॉझिटिव्ह आढळले आहेत.

one more IAS officer form mumbai covid task force detected positive