मुंबई : मुंबईतील कोव्हिड नियंत्रणात येत असताना इमारतींमधील रुग्णांचे प्रमाणही कमी होऊ लागले आहे. मागील सहा दिवसात एक हजार 24 इमारती कोव्हिडमुक्त झाल्या आहेत; तर 29 वस्त्यांही कोव्हिडमुक्त झाल्या आहेत. मुंबईत कोव्हिडचे रुग्ण दुप्पट होण्याचा कालावधी सध्या 157 दिवसांवर आला आहे. कोव्हिड वाढीचा दर 0.44 टक्‍क्‍यांवर आला आहे.

खासगी शिकवणींना सशर्त परवानगी द्यावी! शिक्षकांवर भाजीपाला विकण्याची वेळ

लॉकडाऊनमध्ये शिथिलता आल्यानंतर ऑगस्ट महिन्यापासून इमारतींमधील कोव्हिडचे रुग्ण वाढू लागले होते. सप्टेंबरअखेरपर्यंत 70 टक्के रुग्ण हे इमारतींमधील होते; मात्र आता इमारतींमधील रुग्णांची संख्या वेगाने घटू लागली असल्याचे चित्र दिसत आहे. महापालिकेच्या साथरोग नियंत्रण विभागाने जाहीर केलेल्या आकडेवारीनुसार मुंबईतील सध्या 7 हजार 479 इमारतींमध्ये कोव्हिडचे रुग्ण आढळल्याने या इमारती बंद करण्यात आल्या आहेत. 24 ऑक्‍टोबर रोजी 8 हजार 503 इमारतीमध्ये कोव्हिडचे रुग्ण आढळल्याने त्या बंद करण्यात आल्या होत्या. 24 सप्टेंबर रोजी 632 वस्त्यांमध्ये कोव्हिडचे रुग्ण होते; तर आता 603 वस्त्यांमध्ये कोव्हिडचे रुग्ण आहेत. दरम्यान गेल्या तीन महिन्यांपासून कोव्हिडचा हॉटस्पॉट असलेल्या बोरिवलीत सध्या 929 इमारतींमध्ये कोव्हिडचे रुग्ण आहेत. मालाडमध्ये 673 इमारतींमध्ये कोव्हिडचे रुग्ण आहेत. 

बेशिस्त कार्यकर्त्यांची जितेंद्र आव्हाड यांनी काढली खरडपट्टी; गटबाजीबाबत भरला सज्जड दम

एक लाख नागरिक बंधनमुक्त 
मागील सहा दिवसांत इमारतींमध्ये राहणाऱ्या एक लाख नागरिकांची कोव्हिडची निर्बंधातून मुक्तता झाली आहे. सिल इमारतींमध्ये राहणाऱ्या नागरिकांच्या दैनंदिन वावराही काही बंधने येतात. इमारत कोव्हिडमुक्त झाल्यानंतर ही बंधने शिथिल केली जातात. दुसऱ्या बाजूला वस्त्यांमध्ये राहणाऱ्या अवघ्या 10 हजार नागरिकांची अशा प्रकारच्या बंधनातून मुक्तता झाली आहे. 

सहा दिवसांतील कोव्हिडमुक्त इमारती 
परिसर इमारतींची संख्या 
बोरिवली 329 
कांदिवली 171 
मालाड 14 
-----------------------------------------------

( संपादन - तुषार सोनवणे )