पालघर : पालघर नगर परिषद कार्यक्षेत्रात कोरोनाचा वाढता प्रादुर्भाव लक्षात घेता शुक्रवार 14 ऑगस्ट ते मंगळवार 18 ऑगस्टपर्यंत पाच दिवसांचा लॉकडाऊन जिल्हाधिकारी डॉ. कैलास शिंदे यांनी लागू केला आहे.
पालघर नगरपरिषद क्षेत्रात आतापर्यंत कोरोनामुळे 442 रुग्ण बाधित झाले असून या कार्यक्षेत्रात संपर्कात आल्याने कोरोना झालेल्यांचे प्रमाण अधिक आहे. येत्या काळात संसर्ग अधिक वाढू नये म्हणून नगरपरिषद क्षेत्रात पाच दिवसाची संपूर्ण टाळेबंदी लागू करण्यात आली आहे. मात्र 14 ऑगस्टला पालघरमध्ये हुतात्मा दिवस साजरा करण्यात येत असल्याने आणि 15 ऑगस्टला स्वातंत्र्य दिन असल्याने तो साजरा करण्यासाठी काही अटी शर्तींसह सूट देण्यात आली आहे.
या लॉकडाऊनच्या काळात सर्व प्रकारची दुकाने, भाजी मंडई, मच्छी मंडई सर्व बंद राहतील. फक्त औषधाची व दुधाची दुकाने सुरू असतील. पालिका क्षेत्रातील सर्व औद्योगिक परिसर बंद असेल. पेट्रोल पंपावर फक्त अत्यावश्‍यक सेवांना पेट्रोल पुरवठा केला जाईल. मनाई आदेशाचा भंग करणाऱ्यावर कठोर कारवाई करण्यात येईल असे मनाई आदेशात म्हटले आहे.
(संपादन : वैभव गाटे)
in palghar Municipal Council area once again lockdown
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.