मुंबई : संजय गांधी राष्ट्रीय उद्यानातील (Sanjay Gandhi national park) येऊर रेंजमधील कम्पार्टमेंट क्र. 112, चेना वेस्ट बीट, चेना राउंडच्या हद्दीपासून सुमारे 100 ते 150 मीटर अंतरावर काल संध्याकाळीएक बिबट्या मृतावस्थेत (Panther death) आढळून आला.हा सुमारे 3 वर्षे वयाचा नर बिबट्या होता. तो प्राणी C-40 म्हणून ओळखला जात होता. एखाद्या अपघातात त्याचा मृत्यू झाला असल्याचा अंदाज व्यक्त करण्यात आला असून अधिक चौकशी करण्यात येत आहे. (Panther doubtful death in sanjay gandhi national park)

बोरीवली येथील वन्यजीव रुग्णालयात मृत बिबट्याचे शवविच्छेदन करण्यात आले. शवविच्छेदनात तो एखाद्या छोट्या आघातात किंवा कदाचित उंचीवरून पडल्यामुळे मयत झाला असावा असा निष्कर्ष काढण्यात आला आहे.

परिणामी त्याचे यकृत फाटून अंतर्गत रक्तस्त्राव झाल्याने त्याचा मृत्यू झाला असावा. मृत्यूचे संभाव्य कारण म्हणून हायपोव्होलेमिक शॉक होते. या घटनेची पुढील चौकशी सुरू आहे अशी माहिती संजय गांधी राष्ट्रीय उद्यान विभागाचे मुख्य वन संरक्षक, संचालक जी. मल्लिकार्जुन यांनी दिली.