मुंबई: व्यावसायिक सोनू जलानने आज पत्रकार परिषद घेऊन परमबीर सिंग (Parambir sing) यांच्यावर अत्यंत गंभीर स्वरुपाचे आरोप केले आहेत. परमबीर सिंग, राज कुमार कोथमिरे, प्रदीप शर्मा आणि इतर यांनी मला रवी पुजारीचा साथीदार दाखवून माझाकडून खंडणी उकळली, असा आरोप सोनू जलानने (sonu jalan) केला आहे. (Parambir sing extort money from actor arbaz khan sonu jalan)

"मी आतापर्यंत घाबरत होतो. मात्र मी मनाची समजूत काढून घरातल्यांना विश्वासात घेऊन मी आता पुढे आलोय" असे सोनू जलानने सांगितले. "मी १३ महिने जेलमध्ये होतो, ज्या दिवशी मला अटक झाली, त्यावेळी मला परमबीर सिंह यांच्या कँबिनमध्ये नेलं. तेथे मला प्रदीप शर्माला सहकार्य कर" असे सांगितले.

"कॅबिनमध्ये कोथमिरे आणि अन्य दोन शिपाई होते. मी आतमध्ये गेल्यानंतर सुरुवातीला मला मारलं. त्यानंतर माझ्याकडे १० कोटींची मागणी केली" असा आरोप सोनू जलानने केला. "परमबीर हे काही करू शकतात. कोणी पैसे दिले? कसे दिले? हे सांगितलं तर त्या व्यक्ती गायब होतील. माझ्याकडे सर्व पुरावे आहेत. गुन्हा नोंदवला की मी सर्व पुरावे देईन" असं सोनू जलान म्हणाला. अभिनेता अरबाज खानकडूनही परमबीर सिंह यांनी पैसे घेतले होते, असा गंभीर आरोप सोनू जलानने केला आहे.