मुंबई: मुंबईचे माजी पोलीस आयुक्त परमबीर सिंग (Parambir singh) परदेशात निघून गेल्याची चर्चा आहे. ते कुठे आहेत, या बद्दल काहीच माहिती नाहीय, असे गृहमंत्री दिलीप वळसे पाटील (dilip wlase patil) यांनी काल सांगितलं. त्यांचा शोध घेण्याचे प्रयत्न सुरु आहेत. दरम्यान परमबीर सिंग यांना तडकाफडकी निलंबित करण्यात येणार नाही. परमबीर सिंग यांच्या निलंबनाबाबत राज्य सरकारने सावध भूमिका घेतली आहे.
राज्य सरकार सर्व कायदेशीर प्रक्रिया पूर्ण केल्यानंतर निलंबनाची प्रक्रिया सुरू करणार आहेत. परमबीर प्रकरणी एकीकडे चांदीवाल आयोगाची प्रक्रिया सुरू आहे. दुसरीकडे त्यांनी अर्ज केलेली रजा संपून 30 दिवस पूर्ण झाले आहेत. त्यानंतर मेडिकल सर्टिफिकेट देखील परमबीर सिंग यांनी दिलेले नाही.
त्यामुळे परमबीर सिंग यांना मेडिकल बोर्ड समोर हजर राहावे लागण्याची शक्यता आहे. एकूणच सर्व कायदेशीर बाबी तपासून नंतर सरकार निलंबनाची प्रक्रिया करणार अशी सूत्रांची माहिती आहे.
काँग्रेसचा भाजपावर आरोप
"परमबीर सिंग देशाबाहेर पळून गेले असतील, तर निश्चित यामध्ये भाजपाचा हात आहे. त्यांना पळून जाण्यासाठी भाजपानेच मदत केलीय" असा आरोप काँग्रेसचे सरचिटणीस आणि प्रवक्ते सचिन सावंत यांनी केला आहे. परमबीर सिंग यांना वाचवणे, त्यांना पाठिंबा देणे हाच भाजपाचा अजेंडा असल्याचा आरोप सचिन सावंत यांनी केलाय.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.