मुंबई: घरातून निघालेला मुलगा नक्की शाळेत पोहचलाय का हे बघण्यासाठी पालकांना शाळेत जाण्याची गरज भासणार नाही. पालकांच्या मोबाईलवरच अलर्ट येणार आहे.

महानगर पालिका शिक्षण विभागासाठी सोफ्टवेअर आणि मोबाईल अॅप्लिकेशन तयार करत आहेत. त्यासाठी स्वारस्याची अभीरुची मागविण्यात आली आहे. शिक्षण विभागाच्या संपुर्ण व्यवस्थापनासाठी हे अॅप्लिकेशन तयार करण्यात येणार आहे.

हेही वाचा: प्रवाशांपासून सोशल डिस्टन्सिंग पाळण्यासाठी मध्य रेल्वेचा 'हा' नवीन प्रयोग; वाचा सविस्तर बातमी 

यात शिक्षकांच्या हजेरीसह नोटीस परीपत्रक ही ऑनलाईन उपलब्ध होणार आहेत. तसेच शाळांमधील सुविधांची माहितीही सहज मिळू शकेल. शिक्षकांची सर्व महितीही मिळणार आहे.

पालकांच्या सुविधेचाही या अॅप्लिकेशन मध्ये विचार केला आहे. पालकांना विद्यार्थांंंंची प्रगती तपासण्यासाठी शाळेत जाण्याची गरज पालकांना भासणार नाही. या मोबाईल अॅप्लिकेशन वरुन पालकांना दैनंदिन हजेरीसह सर्व माहिती मिळणार आहे. त्याच बरोबर शाळांची प्रगतीही अॅप्लिकेशन मध्ये नोंदवली जाणार आहे. त्यामुळे अधिकार्यांनाही एखाद्या शाळेची माहिती एका क्लिकवर मिळणार आहे.

हेही वाचा: अखेर पश्चिम रेल्वेच्या कर्मचाऱ्यांची पिळवणूक थांबणार; रेल्वेकडून वादग्रस्त आदेश रद्द..

काय असेल या अप्लिकेशनमध्ये: 

-- विद्यार्थांची प्रगती ऑनलाईन तपासता येणार. 

-- विद्यार्थी शाळेत न आल्यास पालकांना अलर्ट जाणार.

-- शाळांमधिल कागदपंची कमी होऊन सर्व व्यवहार ऑनलाईन होणार 

-- विद्यार्थी, शिक्षकांची हजेरी ऑनलाईन नोंदवली जाणार.

-- शिक्षकांची माहिती एका क्लिकवर मिळणार.

-- नोटीस ,परीपत्रक ऑनलाईन उपलब्ध होणार.

-- विद्यार्थांचे पोषण आहार, उपस्थीती भत्ता नोंदवला जाणार.

-- विद्यार्थांची कागदपत्र ऑनलाईन मिळणार. 

संपादन : अथर्व महांकाळ 

parents receive alert if student will not reach school