मुंबई : काल शरद पवार यांनी नातू पार्थ पवारांबाबत एक मोठं वक्तव्य केलं होतं. त्यानंतर राजकीय घडामोडींना मोठा वेग आलाय. कालच्या शरद पवारांच्या वक्तव्यानंतर संध्याकाळी अजित पवार यांनी शरद पवारांची सिल्व्हर ओक वर भेट घेतलेली. यावेळी सुप्रिया सुळे आणि जयंत पाटील हे देखील उपस्थित होते.
यानंतर आज अजित पवार यांनी माध्यमांना याबाबत कोणत्याही प्रतिक्रिया दिल्या नाहीत. अजित पवारांनी या प्रकरणावर पूर्णतः मौन बाळगलेलं पाहायला मिळतंय. दरम्यान अजित पवार आज सकाळपासून मंत्रालयात होते. दुपारच्या वेळेस सुप्रिया सुळे यांनी आपलं यशवंतराव चव्हाणमधील काम संपवून मंत्रालयात अजित पवार यांची भेट घेतली होती. यानंतर आता घडामोडींचा वेग आलाय.
पार्थ पवार 'सिल्व्हर ओक'वर :
कालच्या शरद पवारांच्या वक्तव्यानंतर आज अजित पवारांचे सुपुत्र थोड्याच वेळापूर्वी शरद पवारांच्या मुंबईतील निवास्थान असलेल्या 'सिल्व्हर ओक' बंगल्यावर पोहोचलेत. सिल्व्हर ओक वर सुप्रिया सुळे देखील उपस्थित असल्याचं समजतंय. या सर्व पत्रकारांना आता सुप्रिया सुळे यांनी मध्यस्ती केल्याचं समजतंय.
मंगळवारी झाली होती भेट :
मंगळवारी देखील सुप्रिया सुळे आणि पार्थ पवार यांची भेट झालेली. स्वतः सुप्रिया सुळे यांनी पार्थ पवारांसोबतचा एक फोटो आपल्या इंस्टाग्राम अकाउंटवरून शेअर केलेला. यामध्ये पार्थ आणि सुप्रिया सुळे पाहायला मिळाल्या होत्या आणि त्या फोटोखाली सुप्रिया सुळे यांनी चिलिंग विथ पार्थ असं कॅप्शनही दिलेलं होतं.
parth pawar reached silver oak to meet sharad pawar and supriya sule
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.