मुंबई, ता. 7 : देशभरात  पेट्रोल, डिझेलच्या दरांमध्ये सातत्याने वाढ होत आहे. सोमवारी (ता.7) रोजी देशातील चार मेट्रो शहरांची तुलना केल्यास मुंबईत  पेट्रोल, डिझेलचे दर अधिक वाढल्याचे दिसून येत आहे. मुंबईत आता पेट्रोल  90 रुपये लिटरच्या वर गेले आहे. तर डिझेलचे दर 80 रुपयांपेक्षा जास्त झाले आहेत. 

चेन्नई, दिल्ली, कोलकात्ता, मुंबई या महानगरातील पेट्रोल, डिझेलच्या दरांची तुलना केल्यास पेट्रोलच्या दरांमध्ये मुंबईने उच्चांक गाठला आहे. यामध्ये मुंबईत पेट्रोलचे दर प्रति लिटर 90.34, चेन्नईत 86.51, कोलकाता 85.19 तर दिल्लीत 83.71 रुपये पोहोचले आहेत.

महत्त्वाची बातमी : तब्बल ८० हजार तरुणांना रोजगाराची संधी उपलब्ध करून देण्याचं लक्ष्य, ऑनलाईन महारोजगार मेळाव्यात करा अप्लाय

डिझेलच्या दरातही मुंबईने उच्चांक गाठल्याचे दिसून येत आहे.  मुंबईत डिजेलचे दर प्रति लिटर 80.51 तर त्याखालोखाल चेन्नईत 79.21, कोलकात्ता 77.44 तर दिल्लीत 73.87 रुपये आहेत 

दहा दिवसात मुंबईत पेट्रोल, डिझेलची दरवाढ

मुंबईत गेल्या 10 दिवसाच्या पेट्रोल, डिजेलच्या दराची आकडेवारी लक्षात घेतल्यास पेट्रोल  लिटरमागे 82 पैसै तर डिजेल 85 पैशाने वाढल्याचे दिसून येतय. त्यामुऴे कोविडचा फटका बसलेल्या मुंबईकरांना पेट्रोल, डिजेलसाठी आपल्या खिशाला कात्री लावावी लागणार आहे.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai

( संपादन - सुमित बागुल )

petrol prices touched mark of ninety rupees mark diesel touched eight rupees per liter in mumbai