पंतप्रधान नरेंद्र मोदी दोन दिवसांपूर्वी मुंबई दौऱ्यावर आले होते. या दौऱ्याच्या वेळी बीकेसी मैदानावर त्यांची सभाही झाली. या सभास्थळावरुन आता एका व्यक्तीला अटक करण्यात आली आहे. या व्यक्तीकडे शस्त्रेही आढळली आहेत.

वांद्रे-कुर्ला कॉम्प्लेक्स इथल्या एमएमआरडीए या मैदानामध्ये ही सभा झाली. याच परिसरातून मुंबई पोलिसांनी एका व्यक्तीला अटक केली आहे. या व्यक्तीकडे घातक शस्त्रे आढळून आली आहे. गस्तीवरच्या पोलिसांना सभेच्या परिसरात हा व्यक्ती दिसला आणि त्यांच्यावर संशय आला.

त्यामुळे पोलिसांनी तपासणी केली. यावेळी या व्यक्तीकडे स्मिथ अँड व्हेजन स्प्रिंगफिल्डची रिव्हॉल्वर आणि त्याचे चार राऊंड सापडले. त्याच्यासोबत या रिव्हॉल्व्हरचा परवानाही सापडला आहे. परिस्थितीचं गांभीर्य ओळखून पोलिसांनी आरोपीला तातडीने ताब्यात घेतलं असून सभा ठिकाणाहून हलवलं आहे. त्याच्यावर मुंबई पोलीस आयुक्त यांनी जारी केलेल्या आदेशाचा भंग केल्या प्रकरणी त्याच्यावर बीकेसी पोलिस ठाण्यात कलम 37(1), 135 मपोका 1951. अंतर्गत गुन्हा नोंदवला आहे.