अंबरनाथ : अंबरनाथ पोलिस स्थानकात कार्यरत असेलेले वरिष्ठ पोलिस निरीक्षक संजय धुमाळ यांना नुकताच राष्ट्रपती पुरस्कार जाहीर झाला आहे.

मोठी बातमी : स्वातंत्र्यदिनी डोंबिवलीकर अंधारात! गोग्रासवाडी, नामदेवपथ परिसरातील वीजपुरवठा पंधरा तास खंडीत

धुमाळ 1993 सालातील पीएसआय बॅचचे पोलिस अधिकारी आहेत. धुमाळ यांनी सप्टेंबर 2019 मध्ये अंबरनाथ पोलिस स्थानकाचे वरिष्ठ पोलिस निरीक्षक म्हणून पदभार स्वीकारला. अंबरनाथला येण्यापूर्वी धुमाळ यांनी ठाण्यात नौपाडा येथे गुन्हे निरीक्षक आणि वाहतूक विभागात पोलिस निरीक्षक म्हणून कामकाज पाहिले होते. शिस्तबद्ध तसेच प्रेमळ पण गुन्हेगारांचे कर्दनकाळ अशी संजय धुमाळ यांची पोलिस खात्यात वेगळी ओळख आहे. 29 वर्षाच्या पोलिस खात्यात निष्ठतेने सेवा बजावली आहे. नौपाडा येथे लागलेल्या एका आगीच्या दुर्घटनेतून संजय धुमाळ यांनी 19 जणांचे प्राण वाचवले होते. याखेरीज विविध चोरीच्या प्रकरणातील आरोपींच्या मुसक्या आवळल्या होत्या.

अधिक वाचाः  चलो कोकण! मध्य रेल्वेनंतर पश्चिम रेल्वे सोडणार स्पेशल ट्रेन, जाणून घ्या गाड्यांचा तपशील

अंबरनाथमध्ये सहा महिन्यांच्या कारकिर्दीत संजय धुमाळ यांनी 32 रिवार्ड प्राप्त केले आहेत. त्यांच्या या धडक कार्याची दखल घेऊन त्यांची राष्ट्रपती पुरस्कारासाठी निवड करण्यात आली आहे. धुमाळ यांना राष्ट्रपती पुरस्कार जाहीर झाल्याचे समजताच अंबरनाथ शहरातून त्यांच्यावर अभिनंदनाचा वर्षाव करण्यात आला.

(संपादन : वैभव गाटे)

Police Inspector Sanjay Dhumal was recently awarded the Presidents Award