मुंबई: विधानसभा निवडणुकीच्या काळात बड्या नेत्यांच्या सभेसाठी मोठ्या मैदानांचे आरक्षण सुरू झाले आहे. मुंबईच्या मध्यभागी असलेल्या शिवाजी पार्कमध्ये जाहीर सभा घेण्यासाठी चार राजकीय पक्षांनी महापालिकेकडे अर्ज दाखल केले आहेत.
यामुळे हे ‘मैदान’ कोण मारणार याकडे लक्ष लागले. सध्या पालिका प्रशासनाने हा निर्णय प्रलंबित ठेवला आहे.
राज्यातील विधानसभा निवडणुकीच्या प्रचारासाठी आचारसंहिता लागू झाली आहे. यामध्ये मुंबईतील ३६ जागांवर निवडणूक होत आहे. यासाठी सर्वच राजकीय पक्ष कामाला लागले आहेत. सध्या महाविकास आघाडी आणि महायुतीच्या मध्ये तिकीट वाटपावरून रस्सीखेच सुरू आहे. त्यामुळे अद्याप कोणत्याही उमेदवारांची नावे जाहीर करण्यात आलेली नाहीत. असे असले तरी आपल्या पक्षाच्या वरिष्ठ नेत्यांच्या प्रचार सभांसाठी मोक्याची मोठी मैदाने मिळावीत, अशी स्थानिक नेत्यांची इच्छा आहे. यामुळे विविध राजकीय पक्षांकडून मैदानांच्या आरक्षणासाठी अर्ज भरण्यास सुरुवात झाली आहे.
निवडणुकीच्या प्रचाराच्या शेवटच्या दिवशी म्हणजे १७ नोव्हेंबरला दादरच्या शिवाजी पार्कवर निवडणूक जाहीर सभेसाठी चार राजकीय पक्षांनी पालिकेकडे अर्ज केले आहेत. यामध्ये भारतीय जनता पक्ष, शिवसेना, शिवसेना (उद्धव बाळासाहेब ठाकरे) आणि महाराष्ट्र नवनिर्माण सेनेतर्फे अर्ज देण्यात आल्याची माहिती महापालिका उत्तर विभागाच्या अधिकाऱ्याने दिली. त्यांच्या अर्जावर अद्याप कोणताही निर्णय झालेला नाही.
पालिकेच्या निर्णयाकडे लक्ष
शिवसेनेत बंड झाल्यानंतर दादर येथील शिवाजी पार्कवर झालेल्या सभांमध्ये ठाकरे यांच्या शिवसेनेने मैदान मारून नेले होते. यावेळीही त्यांनी अर्ज केला आहे. सध्या हे अर्ज पालिकेच्या दफ्तरी दाखल आहेत. लवकरच यावर निर्णय अपेक्षित आहे. हे मैदान आपल्यालाच मिळावे, यासाठी सर्वच राजकीय पक्ष प्रयत्नशील आहेत.
#ElectionWithSakal
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.