मुंबई: अभिनेत्री पूनम पांडेने (Poonam pandey) पती सॅम अहमद बॉम्बे (Sam bombay) विरोधात वांद्रे पोलिस ठाण्यात (Police station) तक्रार नोंदवली आहे. सॅमची पहिली पत्नी अलविरा हिच्याशी बोलत असल्याचा राग मनात धरून सॅम याने मारहाण केल्याचा आरोप पूनम पांडे हिने केला आहे.

सॅमने पुनमच्या केसाला धरून तिचं डोकं भिंतीवर आपटलं तसेच तोंडावर ठोसा मारल्याने डाव्या डोळ्याला गंभीर जखम झाल्याने कमी दिसू लागल्याची तक्रार पूनमने पोलिसात केली आहे.

या प्रकरणी वांद्रे पोलिसात तक्रार नोंदवण्यात आली असून पोलिसांनी सॅम बॉम्बे याला अटक केली आहे. या प्रकरणी वांद्रे पोलिस अधिक तपास करत आहेत.