मुंबई: कोरोना बाधित रुग्णांवर रेमडेसिवीर आणि टोसीलीझुमॅब इंजेक्शन उपयुक्त ठरत आहे. त्यामुळे, बाजारात या इंजेक्शनची मागणी वाढत असून पालिकेकडे ही हा साठा कमी होत आहे. त्यामुळे, पुढील काही दिवसांत पालिका रुग्णालयात या इंजेक्शनचा तुटवडा निर्माण होण्याची शक्यता वर्तवली जात आहे.

कोरोनावर मात करण्यासाठी पालिकेच्या आरोग्य विभागाकडून विविध उपाययोजना राबवल्या जात आहे. कोरोनावर अद्याप कोणतीही लस उपलब्ध झाली नसल्याने सध्या रेमडेसिवीर आणि टोसीलीझुमॅब इंजेक्शनची मागणी वाढली आहे. पालिका रुग्णालयातही या इंजेक्शनचा साठा कमी होत आहे. त्यामुळे पुढील काही दिवसांत रेमडेसिवीर आणि टोसीलीझुमॅब इंजेक्शनचा तुटवडा निर्माण होण्याची शक्यता वर्तवली जात आहे. 

दरम्यान, पालिका रुग्णालयात या इंजेक्शनचा साठा कमी होत असला तरी वेळीच ऑर्डर देऊन उपलब्ध करण्यात येतात. सध्या लक्षणे नसलेली रुग्ण आढळत असल्याने सगळ्यांनाच ही इंजेक्शन देणे गरजेचे नाही. सध्या टोसीलीझुमॅबची मागणी कमी झाली असून रेमडेसिवीर इंजेक्शनला मागणी आहे. त्यामुळे गरजेनुसार साठा मागवण्यात येईल, असे पालिका अतिरिक्त आयुक्त सुरेश काकाणी यांनी सांगितले. 

अधिक वाचाः  मास्क किंमती नियंत्रण प्रस्ताव धूळखात, राज्य सरकारला अहवाल सादर

एखाद्या कोरोना रुग्णांची मध्यम अथवा गंभीर प्रकृती असल्यास अशा रुग्णाला रेमडेसिवीर इंजेक्शन दिल्यास त्याचे प्राण वाचवणे शक्य आहे. पालिकेच्या नायर, सायन आणि केईएम रुग्णालयात या इंजेक्शनचा वापर केला जात असून कोरोनामुळे प्रकृती गंभीर असलेल्या रुग्णासाठी हे इंजेक्शन उपयोगी ठरत आहे. पालिकेने 33 हजार इंजेक्शन खरेदी केली होती. त्यापैकी 2,800 इंजेक्शनचा साठा पालिकेकडे उपलब्ध आहे. मागणीनुसार पुरवठा वाढवत असून जादा इंजेक्शनची खरेदी करण्यात येणार असल्याचे ते म्हणाले. 

टोसीलीझुमॅब इंजेक्शन

मागणी - 2,495 
वापर - 2,355 
शिल्लक - 140

रेमडेसिवीर इंजेक्शन

मागणी - 33,727 
वापर - 30, 927
शिल्लक - 2,800

--------------------------------

(संपादनः पूजा विचारे) 

Possibility shortage of remedesivir and tocilizumab Mumbai BMC Hospital