मुंबई: वरळीच्या एनएससीआय या कोविड सेंटर मध्ये कोरोनामुक्त रूग्णांसाठी पोस्ट कोविड ओपीडी सुरु करण्यात आली आहे. शिवाय, डॉक्टरांकडून या रुग्णांसाठी फिजिओथेरेपीचे ऑनलाईन क्लासेस ही दिले जात आहेत. गेल्या आठवड्याभरापासून ही पोस्ट कोविड ओपीडी या सेंटरमध्ये सुरु करण्यात आली आहे. ज्या रुग्णांना कोविडच्या उपचारानंतर ही बरे वाटत नाही किंवा श्वास घेण्यास त्रास होतो अश्या रुग्णांसाठी ही ओपीडी उपयुक्त ठरत असल्याचे एनएससीआय कोविड सेंटरच्या प्रमुख डाॅ. निता वर्टी यांनी सांगितले आहे.
कोविड रुग्णांना बरे झाल्यानंतरही फुप्फुसाचा फायब्रोसिस हा आजार होत आहे. शिवाय, मानसिक ताण आणि शरीराला थकवा जाणवतो अश्या तक्रारी बरे झालेले रुग्ण करत आहेत. अश्या रुग्णांना डिस्चार्जच्या 10 दिवसानंतर या पोस्ट कोविड ओपिडीत बोलावले जात आहे.
शिवाय, ऑनलाईन घेतल्या जाणार्या सत्रात फुप्फुसाचे व्यायाम प्रकार शिकवले जात आहेत. पालिका प्रमुख रुग्णालयांमध्ये या पूर्वीच पोस्ट कोविड ओपीडी सुरु करण्यात आले असले तरीही या कोविड सेंटर मधील रिहॅब सेंटर ही महत्वाची बाजू असल्याचे येथील डॉ. वर्टी यांनी सांगितले.
कोविड 19 मधून बरे झालेल्या रुग्णांना पुन्हा अनेक गंभीर समस्या उद्भवत आहेत. अशक्तपणा, फुप्फुसाचा त्रास, श्वसनाचा त्रास, धाप लागणे, अंगदुखी असे त्रास होत आहे. त्यासाठी मुंबईत पालिकेकडून ठीकठिकाणी पोस्ट ओपीडी सेंटर सुरु करण्यात आले आहेत. वरळी येथील पोस्ट कोव्हीड रिहॅब सेंटर मुळे फायब्रोसिस कमी प्रमाणात होत आहेत. यात प्रत्येक रुग्णाला फुफुसाचे व्यायाम दिले जात आहे. प्रत्येक डॉक्टर 10 रुग्ण हाताळत असल्याचे येथील केंद्र प्रमुख डाॅ. निता वर्टी यांनी सांगितले. प्रत्येक रुग्ण या व्यायामाचा सराव करत आहे.
दहा दिवसांनी त्याची पुन्हा तपासणी होते. त्यानंतर पुन्हा महिनाभराने तपासणी होते. गेल्या दोन आठवड्यापासून घरी गेलेल्या रुग्णांना रिहॅब शेड्युल तयार करण्यात आले आहे. ओपीडीत आलेल्या रुग्णाना तपासले जाते. त्यांचे एक्सरे, ऑक्सिजन पातळी व इतर तपासणी केली जाते. यावेळी फायब्रोसिस होऊ नये म्हणून व्यायाम सांगितले जातात. यावेळी फिजिशियन शी चर्चा करून गरज पडल्यास स्टेरॉइड दिले जाते. ही ओपीडी ऑनलाईन सुरु आहे. यात इथून गेलेल्या प्रत्येक रुग्णाला दहाव्या दिवशी बोलावले जात आहे. यात डॉ. पंकज नार्वेकर, डॉ सुशांत पगारे, डॉ अनन अल्वानी, डॉ. सायली सावंत याच्या नियंत्रणाखाली या ओपीडी सुरु आहेत.
-------------------------------------------------
( संपादन - तुषार सोनवणे )
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.