मुंबई : राम मंदिराच्या उद्घाटनाची तयारी देशभरात जोरदार सुरु आहे. त्यासाठी निमंत्रण देण्याची लगबग सुरु आहे. तसेच पंतप्रधान मोदींनी देशवासियांना २२ जानेवारीला दिवाळी साजरी करण्याचं आवाहन केलं आहे.

पण यावरुन वंचित बहुजन आघाडीचे नेते प्रकाश आंबेडकर यांनी मोदींना टोला लगावला आहे. दिवाळी साजरी करण्यासाठी मोदींनी १-१ हजार रुपये गरीबांना वाटप करावेत, असा सल्ला त्यांनी दिला आहे. (Distibute one thousand rupees each to BPL Family then only Diwali can be celebrated on 22 January Prakash Ambedkar advice to PM Modi)

पत्रकार परिषदेत प्रकाश आंबेडकरांना विचारण्यात आलं की तुम्हाला राम मंदिराच्या उद्घाटनाचं निमंत्रण मिळालं का? यावर उत्तर देताना त्यांनी सांगितलं, "मी वर्तमानपत्रातून वाचतोय की मला निमंत्रण येणार आहे, त्याची मी वाट पाहतोय" (Latest Marathi News)

दुसरं असं की, मोदींनी २२ जानेवारीला देशभरात दिवाळी साजरी करण्याचं आवाहन केलं आहे. यापूर्वी मोदींनी टाळ्या वाजवण्याचं, थाळ्या वाजवण्याचं केलेलं आवाहन आम्ही मान्य केलं आहे. आता दिवाळी साजरी करण्याचं आम्ही मान्य करतो. फक्त मोदींना आमची एवढीचं विनंती आहे की, जी दारिद्र्य रेषेखालील कुटुंबं आहेत त्यांना मोदींनी १-१ हजार रुपये द्यावेत, जेणेकरुन ते दिवाळी साजरी करु शकतील. (Marathi Tajya Batmya)

हे दारिद्र्य रेषेखालील कुटुंबं आहेत त्यांना जर त्यांच्याच पैशांनी दिवाळी साजरी करायची असेल किंवा त्यांनी दिवाळी साजरी केलीच तर त्यांना आपल्या मुलांना गोडधोड खाऊ घालण्यासाठी दोन-तीन ठिकाणी तडजोडी कराव्या लागतील. म्हणून पंतप्रधानांची इच्छा असेल की २२ तारखेला देशभरात दिवाळी साजरी झाली पाहिजे तर त्यांनी १ हजार रुपये द्यावेत, असं प्रकाश आंबडकर यांनी म्हटलं आहे.