मुंबई, ता. 9 : सुमारे 175 कोटी रुपयांच्या मनी लॉण्डरिंग प्रकरणात आमदार प्रताप सरनाईक यांना आज सर्वोच्च न्यायालयाकडून मोठा दिलासा मिळाला आहे. ईडीने त्यांच्यासह तिघांच्या विरोधात कठोर कारवाई करु नये, असे आदेश न्यायालयाने दिले आहेत. उद्या सरनाईक ईडी कार्यालयात हजेरी लावणार आहेत.

टॉप्स सिक्युरिटी संबंधित कथित गैरव्यवहारामध्ये सरनाईक, त्यांचा मुलगा विहंग आणि  योगेश चंदेला यांनी न्यायालयात याचिका केली आहे. सरनाईक यांना ईडीने समन्स बजावले असून गुरुवारी त्यांची चौकशी होणार आहे. चौकशीच्या एक दिवस आधीच त्यांनी न्यायालयात याचिका दाखल केली. 

महत्त्वाची बातमी : 'ग्लोबल टीचर' पुरस्कार विजेते रणजितसिंह डिसले कोरोना पॉझिटिव्ह; मुख्यमंत्र्यांसह अनेक मान्यवरांची घेतली होती भेट

उद्याच्या चौकशीचे व्हिडीओ आणि ऑडियो रेकॉर्डिंग करावे, चौकशी करताना त्यांचे वकिलही हजर असतील या मागण्या केल्या आहेत. तसेच तिघांविरोधात ईडीने कोणतीही कठोर कारवाई करु नये, अशी मागणी केली होती. न्यायालयाने याबाबत ईडीला निर्देश दिले असून कठोर कारवाई करण्यास मनाई केली आहे.

टॉप्सच्या माजी कर्मचाऱ्याने एमआरडीए संबंधित एका कंत्राटामध्ये आर्थिक गैरव्यवहार झाल्याचा आरोप केला आहे. ईडीने अमित चंडोले आणि माजी व्यवस्थापक  एम शशीधरन यांना अटक केली आहे. सरनाईक यांना तीनवेळा तर विहंग यांना पाचवेळा समन्स बजावले आहे. त्यांच्या कार्यालयावरही ईडीने छापे टाकले आहेत. चंडोले हे सरनाईक यांचे निकटवर्तीय मानले जातात.

मुंबईतील  सर्व महत्त्वाच्या बातम्यांसाठी इथे क्लिक करा । Marathi News From Mumbai 

परराज्यात गेल्यामुळे त्यांनी स्वतःला क्वारंटाईन करुन घेतले होते. सुमारे 175 कोटी रुपयांचा गैरव्यवहार मनी लॉन्डरिंगमार्फत झाल्याचा दावा ईडीने केला आहे.

pratap sarnauk and vihang sarnaik to attaind ED enquiry on thursday