मुंबई : महानगरपालिका पी-उत्तर विभागामध्ये कंटेन्टमेंट झोन असणाऱ्या ठिकाणी नागरिकांचे स्र्किनिंग करण्यासाठी डॉक्टर्स व वैद्यकीय कर्मचाऱ्यांचे वीस पथके तयार करण्यात आल्या असून प्रत्येक इमारतीत व झोपडपट्ट्यांमधील प्रत्येक घरामध्ये जाऊन लोकांच्या वैद्यकीय तपासण्या केल्या जाणार असल्याची माहिती मुंबई शहराचे पालकमंत्री अस्लम शेख यांनी दिली.
पी-उत्तर विभागात गेल्या काही दिवसांमध्ये कोरोनाचा संसर्ग वाढत असून या पार्श्वभूमिवर शुक्रवारी महापालिकेच्या पी-उत्तर कार्यालयात बैठक घेतल्यानंतर माध्यमांशी बोलतांना शेख यांनी ही माहिती दिली. यावेळी सहाय्यक मनपा आयुक्त संजोग कबरे, पालिका उपायुक्त रंजित ढाकणे, वैद्यकीय अधिकारी रुजुता बारस्कर व पालिकेचे अन्य वरिष्ठ अधिकारी उपस्थित होते.
सार्वजनिक शौचालयांचे दिवसातून सहा ते सात वेळा निर्जंतुकीकरण करण्याचे आदेश देण्यात आलेले आहेत. कंटेन्टमेंट झोनमध्ये वैद्यकीय शिबीरे घेऊन लोकांच्या वैद्यकीय तपासण्या करण्यात येत आहेत. जीवनसत्त्व-सी गोळ्यांचे वाटपही करण्यात येत आहे. पावसाळा सुरु झाल्यानंतर अशा स्वरुपाच्या केसेसमध्ये वाढ होणार हे गृहीत धरुन आधीपासूनच विलगीकरण केंद्र व अन्य सर्व प्रकारच्या व्यवस्था करण्यात आल्याचे शेख यांनी सांगितले.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.