महाड (बातमीदार) : महाड-पंढरपूर तसेच महाडवरून पुण्याकडे जाणारा रस्ता घाटावरील वाघजाई मंदिराजवळ खचला आहे. यामुळे या मार्गावरील अवजड वाहतूक शुक्रवार (ता. 3) सायंकाळपासून बंद करण्यात आली आहे.
नुकतीच पावसाला सुरुवात झाली असून, पुणे जिल्ह्याच्या हद्दीत वाघजाई घाट येतो. या घाटावरील वाघजाई मंदिराजवळील रस्ता खचला आहे. त्यामुळे रस्त्याच्या कडेला असणारी संरक्षक भिंतही कोसळली आहे. पुढील दुर्घटना टाळण्यासाठी बांधकाम विभागाकडून या ठिकाणची अवजड वाहतूक बंद करण्यात आलेली आहे. लहान वाहनेही एकेरी मार्गाने सोडली जात आहेत.
महाडकडून पुणे, तसेच पंढरपूरकडे घाटातून जाणारा हा रस्ता आहे. येथून महाड औद्योगिक क्षेत्रामधील सामान, तसेच कोकणामध्ये मोठ्या प्रमाणात मालवाहतूक होत असते. पुण्याकडून येणाऱ्या एसटीच्या अनेक गाड्यांची वाहतूकही याच मार्गाने होते. मागील वर्षी पावसाळ्यामध्ये वाघजाई घाटात महान बांधकाम विभागाच्या हद्दीत हा रस्ता खचल्यामुळे येथील वाहतूक सुमारे 15 दिवस पूर्णपणे बंद होती.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.