Railway: अलीकडेच मध्य रेल्वेने इगतपुरी-भुसावळ-बडनेरा विभागामधील ५२६.७६ किलोमीटर रेल्वे मार्गाच्या सक्षमीकरण आणि पायाभूत सुविधा अद्यावत केल्यामुळे मेल- एक्सप्रेसच्या वेग वाढला आहे. आता मध्य रेल्वेने पुणे,भुसावळ आणि नागपुर विभागातील मल्टीट्रॅकिंग,ओव्हर हेड इक्विपमेंट रेग्युलेशन आणि सिग्नलिंगच्या कामावर मध्य रेल्वेने भर दिला आहे. त्यामुळे या तिन्ही विभागातील मेल-एक्सप्रेसचा वेग वाढणार आहे.

मध्य रेल्वेने दिलेल्या माहितीनुसार, भुसावळ विभागात गाड्यांच्या कमाल अनुज्ञेय वेगात (एमपीएस) मध्ये वाढ करण्यात आली आहे. जलंब ते खामगाव दरम्यान ५० किमी प्रति तास ते ९० किमी प्रतितास पर्यंत,बडनेरा ते अमरावती दरम्यान ६५ किमी प्रतितास ते ९० किमी प्रतितास पर्यंत,बडनेरा ते चांदूर बाजार मार्गावर १०० किमी प्रतितास ते ११० किमी प्रतितास पर्यंत वाढविला आहे. तर नागपूर विभागात माजरी ते पिंपळखुटी दरम्यान ५० किमी प्रतितास ते ९० किमी प्रतितास तसेच ९० किमी प्रतितास पासून ११० किमी प्रतितास वेग वाढविण्यात आला आहे.(Latest Marathi News)

नरखेड ते कोहली दरम्यान (इटारसी ते नागपूर ३री मार्गिका),सिंदी ते बोटी बुरी दरम्यान (नागपूर ते सेवाग्राम तिसरी आणि चौथी मार्गिका) व चितोडा ते हिंगणघाट दरम्यान (सेवाग्राम ते बल्लारशाह तिसऱ्या मार्गिका) तसेच बोटी बुरी ते खापरी दरम्यान (नागपूर ते सेवाग्राम तिसरी आणि चौथी मार्गिका) वर ८० किमी प्रतितास ते ११० किमी प्रतितास पर्यंत आणि परासिया ते छिंदवाडा दरम्यान ५० किमी प्रतितास ते ११० किमी प्रतितास पर्यंत वेग वाढविण्यात आला आहे. त्यामुळे या मार्गावरील गाड्यांचा वेग वाढणार आहे. (Latest Marathi News)

पुणे विभागात पुणे ते सातारा दरम्यान १०० किमी प्रतितास ते ११० किमी प्रतितास,सातारा ते मिरज दरम्यान आणि मिरज ते कोल्हापूर दरम्यान १०० किमी प्रतितास ते ११० किमी प्रतितास पर्यंत वेगमर्यादा वाढविली आहे. यामुळे मुंबई ते कोल्हापूर दरम्यानच्या महालक्ष्मी,कोयना एक्सप्रेसचा वेग वाढण्यास मदत होईल. ( Marathi Railway News)