मुंबई : महाराष्ट्र नवनिर्माण सेनेचे तरुण नेते  आणि राज ठाकरे यांचे सुपुत्र अमित राज ठाकरे यांना प्रकृती बिघडल्यामुळे त्यांना मुंबईतील लीलावती हॉस्पिटलमध्ये दाखल करण्यात आलंय. आपल्या मुलाला रुग्णालयात दाखल केल्यानंतर मनसे अध्यक्ष राज ठाकरे यांनी आपले चिरंजीव अमित ठाकरे यांची लिलावातीमध्ये जाऊन भेट घेतली. राज ठाकरे यांनी लिलावातीमध्ये जाऊन अमित ठाकरे यांची भेट घेणं हा ठाकरे कुटुंबियांसाठी अत्यंत भावुक क्षण होता. 

महत्त्वाची बातमी : सर्व महिलांना लोकल प्रवासास अजूनही परवानगी का नाही ? समोर आलं खरं कारण

अमित ठाकरे यांना रविवारी केलंय ऍडमिट : 

महाराष्ट्र नवनिर्माण सेना नेते अमित ठाकरे यांची प्रकृती बिघडल्यामुळे लिलावातीमध्ये  ऍडमिट केलंय. रविवारी रात्री अमित यांना लिलावातीमध्ये दाखल करण्यात आलंय. गेल्या दोन दिवसांपासून अमित ठाकरे यांना ताप येत होता. सध्याची कोरोनाची परिस्थिती पाहता दोन दिवस सारखा ताप येत असल्याने खबरदारीचा उपाय म्हणून अमित यांना रुग्णालयात दाखल करण्यात आलंय असं समजतंय. रुग्णालयात दाखल केल्यानंतर अमित ठाकरे यांनी कोरोना चाचणी देखील करण्यात आली. सुदैवाने अमित यांना कोरोनाची लागण झालेली नाही. त्यांची चाचणी निगेटिव्ह आली आहे. मिळालेल्या माहितीनुसार पुढील काही दिवस रुग्णालयात ठेवण्यात येणार आहे. 

महत्त्वाची बातमी : जलवाहिनी फुटून जमलेल्या पाण्यात लीक झाला होता करंट, झटक्याने दोन BMC कर्मचारी दगावलेत

आज दुपारी साडे बारा वाजण्याच्या सुमारास महाराष्ट्र नवनिर्माण सेना अध्यक्ष राज ठाकरे यांनी लिलावातीमध्ये अमित ठाकरे यांची भेट घेतली. राज ठाकरे यांनी अमित ठाकरे यांची भेट घेणं हा ठाकरे कुटुंबियांसाठी हा अत्यंत भावुक  क्षण होता.  

raj thackeray went to lilavati hospital to meet his son amit thackeray