मुंबई, ता. 31 : राज्य सरकारने मुद्रांक शुल्कात केलेल्या कपातीमुळे यंदा मुंबईत घरांची विक्रमी नोंद झाली आहे. 1 ते 30 डिसेंबर या कालावधीत मुंबईत तब्बल 18 हजार 853 घरांची विक्री झाली असून यामुळे सरकारच्या तिजोरीत 648 कोटी 32 लाख 82 हजार 117 रुपयांचा महसूल जमा झाला आहे. एका महिन्यातील मुंबईतील ही विक्रमी नोंदणी झाल्याचे बोलले जात आहे.

महत्त्वाची बातमी : उद्या सिद्धिविनायकाच्या दर्शनासाठी जाणार आहात? आधी ही बातमी वाचा, मग प्लॅन करा

लॉकडाउनमुळे सर्व क्षेत्राला आर्थिक फटका बसला. गृहनिर्माण क्षेत्राला गती देण्यासाठी राज्य सरकारने मुद्रांक शुल्कात कपात केली होती. त्यामुळे घर खरेदीला चालना मिळाली. यातच विकसकांनाही घर खरेदीकडे ग्राहकांना आकर्षित करण्यासाठी मुद्रांक शुल्कात सवलत देण्याचे जाहीर केले. यामुळे यंदा खरेदीदारांकडून घर खरेदीची लगबग सुरू होती.

महत्त्वाची बातमी : प्रदूषणास जबाबदार कपन्यांना MPCB च्या नोटिसा, MMR भागातील या 40 कंपन्या पसरावतायत प्रदूषण

गेल्या वर्षी संपूर्ण महिन्यात 10 हजार 840 कोटींचे व्यवहार झाले होते. यंदा डिसेंबर महिन्याच्या पहिल्या 17 दिवसांतच 13 हजार 450 कोटींचे व्यवहार नोंदविले गेले होते. गेल्या वर्षी डिसेंबर महिन्यात मुंबई शहरात 6,433 मालमत्तांच्या खरेदी-विक्री व्यवहारांची नोंदणी झाली होती. अखेर 1 ते 30 डिसेंबर या कालावधीत मुंबईत 18 हजार 853 घरांची खरेदी विक्री झाली आहे. यातून 648 कोटी 32 लाख 82 हजार 117 रुपयांचा महसूल सरकारला मिळाला आहे.

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali 

( संपादन - सुमित बागुल )

real estate boom in mumbai record break houses sold in the month of December