जूनमध्ये दडी मारून बसलेल्या पावसाने जुलै महिन्याच्या सुरुवातीपासूनच चांगलाच जोर धरला आहे. अनेक ठिकाणी मुसळधार पावसाने हजेरी लावली असून काही भागांमध्ये रेड अलर्टही जारी करण्यात आला आहे. मुंबईतही पुढचे २४ तास धोक्याचे असल्याचं सांगण्यात येत आहे. (Weather Update)

हवामान विभागाने (IMD) मुंबईकरांना धोक्याचा इशारा दिला आहे. दुपारी एक वाजल्यापासून पुढचे २४ तास धोक्याचे असून या काळासाठी रेड अलर्ट जारी करण्यात आला आहे. त्यामुळे पुढच्या २४ तासांत मुंबईकरांनी प्रवास आणि आपल्या दैनंदिन कामकाजाचं नियोजन करताना सावधगिरी बाळगण्याच्या सूचना हवामान विभागाने दिल्या आहेत.

दरम्यान, राज्यभरात आता मॉन्सून (Monsoon Alert) सक्रिय झाला आहे. त्यामुळे पुढे चार ते पाच दिवस राज्यात मुसळधार ते अतिमुसळधार पावसाची शक्यता आहे. मध्य महाराष्ट्र आणि कोकणातल्या काही भागात अतिवृष्टी तर घाट परिसरात रेड अलर्ट जारी कऱण्यात आला आहे.

रेड अलर्ट जारी करण्यात आलेले जिल्हे -

पुणे, ठाणे, मुंबई, पालघर, रायगड, रत्नागिरी, सिंधुदुर्ग, कोल्हापूर, सातारा.

ऑरेंज अलर्ट असलेले जिल्हे -

नाशिक, चंद्रपूर

यलो अलर्ट असलेले जिल्हे -

धुळे, परभणी, नागपूर, जळगाव, हिंगोली, यवतमाळ, वर्धा, नांदेड, बुलडाणा, वाशिम, अकोला, गोंदिया, अमरावती, भंडारा, गडचिरोली