मुंबई : मुंबईत कोरोना बाधित रुग्णांच्या आकड्याने आज उच्चांक गाठला असून चिंता पुन्हा वाढली आहे.  मुंबईत आज तब्बल 751 नवे रुग्ण सापडले असून एकूण रुग्णांचा आकडा साडेसात हजाराच्या वर गेला आहे. दरम्यान, दिलासादायक बाब म्हणजे रुग्णांचे मृत्यू नियंत्रणात आले असून आज  5 जणांचा मृत्यू झाल्याने मृतांचा आकडा 295 झाला आहे. 0

मुंबईतील महत्वाच्या बातम्या वाचण्यासाठी येथे क्लिक करा

आज मुंबईत 751 नवे कोविड पॉझिटिव्ह रुग्ण आढळल्याने रुग्णांची संख्या 7625 झाली आहे. आज  सापडलेल्या एकूण रुग्णांपैकी 352 रुग्ण आज आढळले असून 399 रुग्ण 25 ते 28 एप्रिल रोजी दाखल झाले असल्याचे सांगण्यात येते. आज झालेल्या 5 मृत्यूंपैकी 3 जणांना दीर्घकालीन आजार होते. कोरोना बाधितांची संख्या वाढत असली तरी या आजारातून बरे होणाऱ्या रुग्णांची संख्या ही वाढत आहे. आज 95 रुग्ण बरे झाले असून आजपर्यंत 1567 रुग्णांना घरी सोडण्यात आले. घरी सोडण्यात आलेल्या रुग्णांपैकी 108 रुग्ण हे मुंबईच्या बाहेरचे असून ते मुंबईत उपचारासाठी दाखल होते.

Big News - परवानगी दिली ! विविध राज्यांमध्ये अडकलेल्यांसाठी सरकार सोडणार विशेष ट्रेन..