मुंबई : महाराजा सयाजीराव गायकवाड यांची ग्रंथसंपदा प्रकाशित करण्यासाठी उच्च व तंत्र शिक्षण विभागाने चरित्र साधने प्रकाशन समिती पुनर्गठीत केली आहे. यात समितीच्या अध्यक्षपदी उच्च व तंत्र शिक्षण मंत्री उदय सामंत यांच्यासह १४ जणांची निवड करण्यात आली असून ज्येष्ठ सामाजिक कार्यकर्ते व अभ्यासक डॉ. बाबा भांड यांची सदसरू सचिवपदी निवड केली आहे.

सयाजीराव गायकवाड चरित्र साधने प्रकाशन समितीकडून सयाजीराव गायकवाड यांच्या जीवनावर आधारीत २५ नियोजीत ग्रंथांचे प्रकाशन केले जाणार असून त्यापैकी आत्तापर्यंत १२ ग्रंथांच्या खडांची छपाईचे काम पूर्ण करण्यात आले आहे. समितीची मुदत ही १७ऑक्टोबर २०१९ रोजी संपली होती. मात्र त्यानंतर पुढे १३ व्या खंडाचे काम पूर्ण झाल्याने त्या खंडाच्या छपाईचे काम पूर्ण करण्यासाठी समितीला सहा महिन्याचा कालावधी वाढवून देण्यात आली हेाती.

त्याच पार्श्वभूमीवर उच्च शिक्षण विभागाकडून या समितीने पुनर्गठन करण्यात आले असून यात उच्च शिक्षण मंत्री अध्यक्ष, राज्यमंत्री हे उपाध्यक्ष आणि विभागाचे प्रधान सचिव सदस्य तर संचालक हे निमंत्रक म्हणून निवड करण्यात आली आहे. तर उर्वरित सदस्यांमध्ये शासकीय मुद्रणालयाचे संचालक यांचा समावेश आहे. त्यासोबत राजमाता शुभांगिनी राजे गायकवाड, नागपूरच्या अनुराधा मोहिनी, कोल्हापूरच्या डॉ. भारती पाटील, बडोदे येथील प्रकाश पेठे, मंदा हिंगुराव, लातूर येथील प्रा. शिवाजी देवनाळे, औरंगाबाद येथील डॉ. विजय शिंदे आणि कोल्हापूर येथील दिनेश पाटील यांची सदस्यपदी निवड करण्यात आली आहे. या समितीला सुरूवातीला तीन वर्षेपर्यंत मुदत असणार आहे.