मुंबई : लॉकडाऊनमध्ये अडकलेल्या व्यक्तींना गावी जायचे असेल तर 'फिटनेस सर्टिफिकेट' जमा करण्यास सांगण्यात आले आहे. लोकांच्या या असहाय्यतेचा गैरफायदा उचलत एका 'फिटनेस सर्टिफिकेट'साठी डॉक्‍टरांकडून 4, 500 रुपये आकारले जात आहेत. अशा डॉक्‍टरांवर कारवाई करा अशी मागणी सामाजिक कार्यकर्ते अनिल गलगली यांनी केली आहे.
लॉकडाऊनमध्ये अडकलेल्यांना प्रवास करण्याची सशर्त परवानगी देऊन सरकारने दिलासा दिला. त्यामुळे मुंबईत अडकलेले परप्रांतीय, कामगार, विद्यार्थी मोठ्या संख्येने आपापल्या गावी निघाले आहेत. त्यांच्यासाठी सरकारने विशेष रेल्वे गाड्यांची सोय देखील केली आहे. सरकारने मुंबईतून गावी जाणाऱ्यांसाठी मात्र 'फिटनेस सर्टिफिकेट' अनिवार्य केले आहे. हे फिटनेस सर्टिफिकेट मिळवण्यासाठी लोकांना दवाखान्यांचे उंबरठे झिजवावे लागत आहेत. गरज लक्षात घेऊन 'फिटनेस सर्टिफिकेट'साठी लोकांना अक्षरशः लुटण्यात येत आहे. एक 'फिटनेस सर्टिफिकेट'साठी पाचशे , हजार रुपयांपासून तब्बल साडे चार हजार रुपये उकळण्यात येत असल्याचा आरोप सामाजिक कार्यकर्ते अनिल गलगली यांनी केला आहे.
रेल्वेत प्रवेश करण्याआधी प्रवाशांची आरोग्य तपासणी करण्यात येत आहे. मग वेगळ्या 'फिटनेस सर्टिफिकेट'ची गरज काय असा प्रश्न गलगली यांनी उपस्थित केला आहे. एकेका सर्टिफिकेटसाठी बेकायदेशीरपणे हजारो रुपये उकळले जात आहेत यावर कारवाई व्हायला हवी अशीही त्यांनी मागणी केली आहे. लॉकडाऊनमुळे लोकांची आर्थिक कुचंबना झाली आहे, त्यात त्यांना सर्टिफिकेटची सक्ती करणे अन्यायकारक असल्याचेही गलगली यांचे म्हणणे आहे.
मोफत तपासणीची मागणी
गावी जाऊ इच्छिणाऱ्या लोकांची सरकारने मोफत तपासणी करून द्यावी तसेच 'फिटनेस सर्टिफिकेट'ची अट शिथिल करावी अशी मागणी गलगली यांनी मुख्यमंत्री, गृहमंत्री आणि पोलीस महासंचालकांकडे केली आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.