मुंबई : मुंबई महानगर प्रदेश विकास प्राधिकरणातर्फे (एमएमआरडीए) बांधण्यात येत असलेल्या मेट्रो-२ (अ) मार्गिकेवर वर्षभरात प्रवाशांच्या सोयीसाठी रोप-वे सेवा उपलब्ध होणार आहे. रोपवे उभारण्यासाठी देश-विदेशातील नऊ कंपन्यांनी स्वारस्य दाखवले. दहिसर (पश्चिम) ते ते डीएन नगर मार्गावर वर्षाअखेरपर्यंत मेट्रो-२(अ) सुरू होणार आहे. तत्पूर्वी रोप-वेची सेवा सुरू करण्याचा‘एमएमआरडीए’चा मानस आहे.
ही बातमी वाचली का? म्हणून देखील मुंबई पोलिस आहेत एक नंबर! बातमी वाचा, प्रतिक्रिया द्या...
पश्चिम उपनगरातील वाहतूक कोंडीचा प्रश्न सोडवण्यासाठी ‘एमएमआरडीए’ने रोप-वेचा प्रस्ताव तयार केला आहे. ‘एमएमआरडीए’ने ९ जुलै २०१९ रोजी झालेल्या बैठकीत बोरिवली ते गोराई (८ किमी) आणि मालाड ते मार्वे (४.५ किमी) या दोन ठिकाणी रोप-वे सेवा सुरू करण्याचा निर्णय घेतला होता. मात्र, इंडियन पोर्ट रेल आणि रोप-वे कॉर्पोरेशन लिमिटेड या संस्थांनी सर्वेक्षणानंतर दोन्ही मार्गिकांचे अंतर कमी करण्याचा निर्णय झाला. त्यानुसार महावीरनगर मेट्रो स्थानक- पॅगोडा- गोराई (७.२ किमी) आणि चारकोप-मार्वे (३.६ किमी) मार्गावरील रोप-वेचा सविस्तर प्रकल्प अहवाल तयार केला. पहिल्या टप्प्यात महावीरनगर ते गोराई या मार्गिकेचेच काम सार्वजनिक-खासगी भागीदारीतून करण्यासाठी निविदा प्रसिद्ध केल्या आहे.
नऊ कंपन्यांचा सहभाग
दहिसर (पश्चिम) ते डीएन नगर या मेट्रो-२ ए मार्गिकेवरील महावीरनगर स्थानकापासून गोराईदरम्यान रोप-वे बांधण्यासाठी सुयोग गुरबक्सनी फुनिक्युलर रोपवेज लिमिटेड, ट्रिंबल सोल्युशन इंडिया, आयटीडी सिमेंटशन इंडिया, कन्वेयर रोप-वे सर्व्हिसेस, माथेरान रोप-वेज, एस्सेल वर्ल्ड ग्रुप, एपीटी इन्फ्राटेक सोल्युशन आणि डोपेलमेर इंडियासह अन्य एका कंपनीने स्वारस्य दाखविले आहे.
अशी असेल‘महावीरनगर ते गोराई’रोप-वे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.