मुंबई : अतिमद्यपानाचे घातक परिणाम आपण पाहत असतो. स्वतःबराेबरच आपल्या कुटुंबीयांच्या भविष्याची रांखरांगोळी होत असतानाही मद्यपी दारू सोडण्याचे नाव घेत नाही. दारूच्या अंमलाखाली असलेल्या एका मद्यपीमुळे शुक्रवारी रात्री एका जवानाला नाहक आपला जीव गमवावा लागला. पश्चिम रेल्वेमार्गावर मद्यधुंद अवस्थेत रूळ ओलांडणाऱ्या एकाचा जीव त्याने वाचवला खरा, परंतु लोकलची धडक लागल्याने त्यांचा जागीच मृत्यू झाला. रामवीर सिंह गुर्जर असे जवानाचे नाव असून ते रेल्वे सुरक्षा दलात कार्यरत होते.
मूळ राजस्थानचे रहिवासी असलेले रेल्वे सुरक्षा दलाचे रामवीर सिंह गुर्जर शुक्रवारी रात्री १०.३० वाजण्याच्या सुमारास माहीम ते वांद्रे स्थानकादरम्यान बंदोबस्तावर होते. त्या वेळी एक व्यक्ती रेल्वेरूळ ओलांडत असताना चर्चगेटच्या दिशेने जाणारी जलद लोकल येत होती. सदर व्यक्ती मद्यपी असल्याने त्याला नीट उभे राहता येत नव्हते. रामवीर यांच्या ते लक्षात आले. त्यांनी मद्यपीला रुळाच्या बाजूला केले आणि त्याचे प्राण वाचवले; मात्र त्याला वाचवताना रामवीर यांचा तोल गेला आणि लोकलची धडक त्यांना बसली.
अपघातात रामवीर यांचा जागीच मृत्यू झाल्याची माहिती मुंबई सेंट्रल विभागाचे वरिष्ठ विभागीय सुरक्षा आयुक्त विनित परब यांनी दिली.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
शॉपिंगसाठी 'सकाळ प्राईम डील्स'च्या भन्नाट ऑफर्स पाहण्यासाठी क्लिक करा.
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates, मराठी ताज्या बातम्या, मराठी ब्रेकिंग न्यूज, मराठी ताज्या घडामोडी. And Live taja batmya on Esakal Mobile App. Download the Esakal Marathi news Channel app for Android and IOS.