मुंबई : या बातमीच्या माध्यमातून आम्ही तुम्हाला सुशिक्षित मूर्खांचा बाजार काय असतो हे सांगण्याचा प्रयत्न करणार आहोत. घटना आहे दहिसर रेल्वे स्टेशनवरील. रेल्वेकडून वारंवार सांगितलं जातं, रेल्वे रूळ ओलांडू नका, रेल्वे रुळावरून चालू नका, रेल्वे फलाटावर येत असताना रूळ आणि फलाटापासून दूर उभे राहा, ट्रेनमधून प्रवास करत असताना दरवाजात लटकू नका, रेल्वेमधून स्टंट्स करू नका.  मात्र या सगळ्या उद्घोषणा वारंवार करून, रेल्वे प्रवाशांना वारंवार सांगून, सुरक्षा सप्ताह वगैरे घेऊन प्रवाशांच्या डोक्यात काहीही प्रकाश पडत नाही. पालथ्या घड्यावर पाणी. याचीच प्रचिती मुंबईतील दहिसर स्थानकात पुन्हा एकदा पाहायला मिळाली.    

महत्त्वाची बातमी : बॉयफ्रेंडला मैत्रिणीसोबत आक्षेपार्ह स्थितीत पाहिलं, बाचाबाचीनंतर 19 वर्षीय तरुणीची तिच्याच बॉयफ्रेंडकडून हत्या    

दहिसरमध्ये रेल्वे रुळ ओलांडताना एक प्रवासी लोकलखाली येता येता वाचला आहे. काळजाचा ठोका चुकवणारी ही घटना स्टेशनवरील CCTV कॅमेऱ्यामध्ये कैद झाली आहे. सामोरं ट्रेन येतेय हि दिसत असताना हा प्रवासी रेल्वे रुळ ओलांडत होता. रेल्वे रुळ ओलांडत असताना त्याच्या पायातून बूट निसटला. हा बुट घेण्यासाठी हा सदर माणूस पुन्हा मागे फिरला. अशात समोरुन एक लोकल ट्रेन धडधडत येतच होती. मात्र तरीही हलगर्जीपणा करत या प्रवाशाने आपला निसटलेला बूट पुन्हा घालत रेल्वे रुळ ओलांडण्याचा मूर्खपणा केला. इतक्यात तिथे कर्तव्यावर असल्याने पोलिसाने या प्रवाशाला प्लॅटफॉर्मवर ओढत त्याचे प्राण वाचवले. यावेळी जराही उशीर झाला असता तर त्याच उपस्थित पोलिसाला या माणसाचा मृतदेह उचलण्याची वेळ आली असती आणि मोठा अनर्थ घडला असता.

मुंबई भागातील बातम्या वाचण्यासाठी इथे क्लिक करा । Mumbai News in Marathi from Thane, Navi Mumbai, Vasai-Virar, Mira Bhayandar, Kalyan Dombivali

कोरणामुळे सर्वसामान्य नागरिकांना लोकलने प्रवास करण्याची मुभा नाहीये. अशात लोकलमध्ये आणि फलाटांवर आधीएवढी गर्दी देखील होत नाही. तरीही काही नागरिक आपल्या घाईगडबडीमुळे नियम धाब्यावर बसवतातच. अशाच प्रकारच्या एका महाभागाने रुळ ओलांडण्याचा मूर्खपणा केला आणि स्वतःचा जीव धोक्यात घातला. अशा लोकांकडे पाहून तुम्हाला ते नुकतंच व्हायरल झालेलं "पता नहीं जी कौनसा नशा करता हैं" हे गाणं नक्की आठवेल. 

RPF police present on the staion saved man crossing track while train approaching