Mumbai News: अभिनेता सलमान खान याच्या घरावर गोळीबार प्रकरणी अटक करण्यात आलेल्या विकी गुप्ता आणि सागर पाल या आरोपींना दंडाधिकारी न्यायालयात सादर करण्यात आले न्यायालयाने त्या दोघांना २२ मे पर्यंत न्यायालयीन कोठडी सुनावली.

अभिनेता सलमान खानच्या वांद्रे येथील गॅलक्सी घराजवळील गोळीबाराप्रकरणी गुन्हे शाखेने विकी साहब गुप्ता आणि सागर श्रीजोगेंद्र पाल यांना गुन्हे शाखेने यापूर्वी अटक केली होती. चंदर व थापन यांनी पुरवलेल्या पिस्तुलाने पालने सलमानच्या घराबाहेर गोळीबार केला. त्यावेळी गुप्ता मोटारसायकल चालवत होता. पाल हा अनमोल बिष्णोईच्या थेट संपर्कात होता. गोळीबार केल्यानंतर त्यांनी दुचाकी माऊंट मेरी परिसरात सोडली.

त्यानंतर त्यांनी मोबाइल फोनही नष्ट केले व ते नवे मोबाइल क्रमांक वापरू लागले. त्या दोघांना दंडाधिकारी न्यायालयात सादर करण्यात आले त्यावेळी मुख्य दंडाधिकारी एल एस पाढेन यांनी दोघांना २२ मे पर्यंत न्यायालयीन कोठडीची शिक्षा सुनावली.